إيميل بنك دم المدونيين

اللوجوهات

اللوجوهات
تسلم ايدك يا بسكوتة .. شغل مية مية والله





Followers

Powered by Blogger.

Feedjit

About Me

My Photo
بنك دم المدونيين
View my complete profile




فى دماغى فكره ممكن تكون كويسه وممكن تشوفوا انها مكرره او لها عيوب وعموما لو عجبتكم نتناقش فيها


الفكره هى


BBB


Bloggers Blood Bank


نعمل مدونه او لو حد فينا ليه فى برمجه المواقع نعمل موقع خاص بينا مش مشكله


المدونه دى او الموقع دا هيبقى له دوريين مهمين


الدور الاول


ان نعمل قاعده بيانات بفصائل دم الراغبيين مننا والمواظبيين على التبرع وارقام تليفوناتهم وطبعا هتكون بياناتهم سريه


ودا طبعا ممكن يسهل فى حاله لا قدر الله ان حد مننا المدونيين يحتاج دم لاى حد ببساطه هيقدر يدخل المدونه او يبعت ميل بفصيله الدم وتليفونه والمشرف يتولى ترتيب التواصل بينه وبين اللى هيتبرع


الدور التانى


يكون للمدونه الاشراف على جميع حملات التبرع فى جميع محافظات مصر


يعنى زى ما فيه تبرع ثابت فى القاهره نحاول يكون على مدار السنه فى تبرعات ثابته فى كل محافظه ونختار عضويين من كل محافظه فى المجموعه اللى هتشرف على المدونه دى


انا عارف ان يمكن العدد مش كبير لكن ايه يمنع اننا نحلم ان فى يوم يبقى عندنا تبرع كل شهر فى محافظه مختلفه ويكون عد المتبرعيين كبير


فكره التبرع اعتقد بدأت صغيره وانا شايفها بتكبر ودى حاجه فعلا محسسانى بفرحه واتمنى تتعمم فى كل مكان


باب المناقشه مفتوح


وياريت اللى يوصل للبوست ويعجبه يقوم هوا بنشر الفكره وجمع الاراء لان مجال التدوين بقى كبير وانا مش متواجد بصوره فعاله


ملحوظه


على فكره يا جماعه انا اتكلمت مع شباب واكتشفت ان فيه ناس عمرها فى حياتها ما اتبرعت


الشباب فيه خير كتير بس احيانا بنحتاج حد يعرفنا الطريق

4 comments:

Lyssandra said...

جزاكم الله خيراً

الفكرة ممتازة جداً

Mahmoud Ahmed said...

جزاكم الله خيرا على الفكره
و انا بتبرع دائما بالدم بس في حدود بلدي
صعب اني اسافر عشان اتبرع ^__^
و انا بروح كل شهر او اثنين اتبرع بالدم
وانا فصيلتي مش نادره ولا حاجه
عشان كده هكتفي بالى بعمله هنا

وياريت كل الناس تتبرع بالدم حتي ولو كل واحد في محافظته في بلده في قريته

يعني حتي ممكن نتفق على يوم كلنا نخرج نتبرع فيه في اقرب مكان لينا

ستيتة said...

هناك رد في مدونة رحلة بحث
ارجو قراءته وقول لي مالك الله يكرمك

Mohamed Elashri said...

من الممكن نشر بيانات فصيلة الدم بصورة سهلة وذكية على وقع تويتر ، كل ما عليك كتابة التالى

I'm #Blood_Type #Country #BloodBank
ex: I'm #B+ #KSA #BloodBank

وبالتالى فإن أى شخص يرغب بالبحث عن فصيلة دم يمكنه بسهوله البحث على موقع تويتر على كلمة BloodBank