إيميل بنك دم المدونيين

اللوجوهات

اللوجوهات
تسلم ايدك يا بسكوتة .. شغل مية مية والله





Followers

Powered by Blogger.

Feedjit

About Me

My Photo
بنك دم المدونيين
View my complete profile

السلام عليكم ورحمة الله وبركاته 

ازيكم كلكم يارب تكونوا بخير 

الله يكرمها الاخت نهى صالح 

بعتتلى وول بوست عن الحالة دى 

ياريت اللى يقدر يساعد يتفضل 

ولكم جزيل الشكر 

الان نقدر كلنا نعمل خير محمـد
مخلــــوف...شخص بسيط هيعمل عملية
صمـــام فـي القلـــــب محتاجين 3
كيس دم سالب "0-" للتبــرع
مستشفي الدولـي بالمنصورة وللتواصل
...... و الاستفسار عن الحالـــــةبنك
الدم الخيري0100606016

 

 


ياريت ما تزهقوش وتقروا البوست للاخر 

طويل بس مهم


****


السلام عليكم 

بعتذر عن تقصيرى هنا 

كل ما اقول هافوق تحصلى حاجة تخلينى اقع تانى 

زى مابيقولوا اطلع من حفرة اقع ف دحديرة 

المهم جاتلى الرسالة دى النهاردة ع الفيس بوك 

سلام عليكم,وصلتني الرسالة دي من جروب بنك الدم الخيري

,عن حالة محتاجة بكرة الصبح ل 15 كيس دم

==================

السلام عليكم

اخوتي واحبائي

اولا بعتذر عن كثرة الرسائل لكن غصب عننا


لكــــــــــــــــــــــــــــــن والله الحالة حرجـــــــــــــــــــة جـــــــــــــــدا

═════════════════════════

ولذلك ادعوكة للتسجيل موقع بنك الدم الخيري

عشان تقدروا تساعدونما اكتر ونقلل حجم الرسائل


ولا تنســـــــــــــــــــــــــــــــــــــــــوا الدااااااااااال علي الخيــــــــــــــر كفاعلة
═════════════════════════

يـــــــــــــــــــــــــــــــــــلا كلنا نسجل علي موقع

بنك الدم الخيري
http://www.bankeldm.com/index.php

ومش تقلق بياناتك كلها سرية


ثــــــــــــــــــــــــــــــــــــــــــــــــــــــم

قال الله سبحانه وتعالي
... { ومن أحياها فكأنما أحيا الناس جميعا }
صدق الله العظيم

ثم

√ نفسك تعمل خير √
═════════════

الان ممكن كلنا نعمل خير


أحمـــــــــــــد كامـــــــــــــــــــل
═════════════

هيقوم باجراء عملية صبـــــــــاح غدا الاربعــــــــــــــــــــــاء

محتاجين 15 كيس أأ موجب
( A+ )


من يكون عونا لها في شهر رفع الاعمال الي الله

او يسبقه دمة الي الرحمن فينول اجرا كبيرا باذن الله

ويكون شاهدا وشفيعا لة يوم القيامة

للتبــــــــــــــــــــــــــــــــرع

مستشفي الجهـــــــاز الهضمـــــي بالمنصـــــــــــــورة

وللتواصـــــــــــل و الاستفســـــــار عن الحالـــــــــــة

بنك الدم الخيري
0100606016

----------------------------------------------------

كمان جالى الكومينت ده 

محتاجين ضرورى فصيله

سالب

فى مستشفى الاطفال الجامعى 

بالمنصوره لطفل مريض بالسرطان

رقم الحاله


0169022125
ده رقم الحاله ضرورى الله يكرمكم
جيجي والعالم


ياريت يا جماعة بلييييييز اللى يقدر يساهم ف حاجة

يتفضل مش محتاج تحفيز 

-------------------------------------

كمان عايزة اقول حاجة انا شوفت موقع بنك الدم الخيرى

واستغربت ان الفكرة هى هى اللى كانت ف دماغ محمد

معرفش مين اخدها ونفذها جزاه الله عنا كل خير 

بالنسبة لبياناتكم لومش عايزين تسجلوا فيه ابعتولنا 

زى ما احنا وانا هتابع معاهم 

او 

خلو الموقع ف الفيفوريت عندكم وتابعوه كل يوم 



وجزاكم الله كل خير


ما هو الدم ؟
الدم هو سائل حيوى يتكون من كرات حمراء وبيضاء وصفائح دموية وسائل غنى بالبروتين يسمى البلازما.

2) ما هى مكونات (مشتقات) الدم ؟
يتكونالدم من كرات دم حمراء، وكرات بيضاء، الكل سيبح فى سائل غنى باالبروتين يسمى البلازما. عندما يتم فصل الدم، تهوى كرات الدم الحمراء فى القاع والبلازما تطفو إلى أعلى وتبقى الصفائح الدموية وكرات الدم البيضاء معلقتين بين الاثنين. تؤخذ البلازما المشبعة بالصفائح الدموية ليتم فصلها إلى البلازما والصفائح الدموية.

3) ما هى كرات الدم الحمراء ؟
كرات الدم الحمراء هى خلايا دموية (مكون من مكونات الدم) وتشكل حوالى نصف حجم الدم وتحتوى على الهيموجلوبين وهو الصبغة الحمراء فى الدم التى تحمل الأكسجين لكل الجسم. والفترة العمرية لها داخل الجسم حوالى 120 يوم ثم تموت ويقوم الطحال بإزالتها.

4) ما هى كرات الدم البيضاء ؟
كرات الدم البيضاء هى جزء من خلايا الدم وهى المسئولة عن حماية الجسم من أى غزو خارجى من البكتريا أو الفيروسات أو الفطريات، والفترة العمرية لها تتفاوت بين أنواع كرات الدم البيضاء، وتتراوح بين أيام وسنوات.

5) ما هى البلازما ؟
البلازما هى سائل الدم، أى السائل الذى يتعلق به كرات الدم الحمراء، البيضاء والصفائح الدموية. وتعوض اللازما داخل الجسم بعد ساعات قليلة من التبرع بالدم.

6) ما هى الصفائح الدموية ؟
الصفائح الدموية هى مكون من مكونات الدم صغيرة الحجم أضغر من كرات الدم الحمراء والبيضاء، وتساعد على التجلط بإلتصاقها بالجدار الداخلى للأوعية الدموية لتمنع المزيد من النزف. والفترة العمرية لها داخل الجسم حوالى 9 – 10 أيام قبل أن تموت ويقوم الطحال بإزالتها.

7) ما هى عوامل التجلط الطبيعية بالدم ؟
عوامل التجلط بالد الطبيعية هى عوامل من مركبات الدم ويمكن تحضيرها من البلازما وتستخدم لعلاج بعض الأمراض مثل الهيموفيليا وهو مرض نزف وراثى ناتج عن نقص شديد لأحد عوامل التجلط .... وعوامل التجلط تفصل وتحفظ وتجمده لمدة سنة.

8) أين يصنع الدم بالجسم ؟
يصنع معظم الدم فى نخاع العظام.

9) ما هى كمية الدم الكلية داخل جسم الإنسان ؟
حوالى 5 – 6 اتر من الدم داخل جسم الإنسان أى حوالى 12 وحدة دم.

10) ما هى وظيفة الدم داخل جسم الإنسان ؟
يحمل الدم الغذاء – الفيتامينات – والأكسجين إلى خلايا الجسم المختلفة.
هذا بالإضافة إلى الوظائف الأخرى مثل الوظيفة المناعية.

11) ما هو الهيموجلوبين وما هى أهميته والنسبة المسموح بها للتبرع ؟
الهيموجلوبين هو الصبغة الحمراء بكرات الدم الحمراء وهو يحمل الأكسجين إلى جميع خلايا الجسم.
الحد الأدنى لنسبة الهيموجلوبين المسموح للتبرع بها هو 13 جم/مل3 للرجال ، 12 جم/مل3 للسيدات، وذلك لايؤثر على وظائف الجسم الطبيعية.

12) ما هى المادة الموجودة بكيس الدم ؟
المادة الموجودة بكيس الدم هى مادة مانعة للتجلط ومادة مغذية تساعد على حفظ الدم والاستفادة منه وهى موجودة بكمية محدودة حوالى 70 سم3 تتناسب مع كمية الدم المسحوبة من المتبرع (400 – 450 سم3).

13) ما هو عمر كيس الدم ؟
نستطيع حفظ الدم الكامل لمدة خمسة وثلاثون يوماً، أو اثنان وأربعون يوماً ويتوقف ذلك على نوع المادة مانعة التجلط الموجودة بكيس الدم.

(13من يمكنه التبرع بالدم؟

كل شخص طبيعى من الذكور والإناث ويزيد وزنه عن 50 كيلوجراما, ويتراوح عمره من 18 إلى 60 عاما يستطيع التبرع بانتظام كل 3 شهور للذكور وكل 4 شهور للإناث.

14) لماذا التبرع بالدم ؟
لا يوجد أى بديل يمكن أن يغنى عن الدم. وجسم الإنسان هو المصنع الوحيد للدم الذى يسمى بسائل الحياة، وكل اموال العالم لن تفيد إذا لم تتوفر فصيلة الدم المناسبة فى الوقت المناسب .
وهناك الآف من المرضى المحتاجين إلى الدم مثل الأطفال المصابة بأمراض الدم ومصابى الحزادث ومرضى السرطان والفشل الكلوى والجراحات المختلفة وحالات أخرى كثيرة.
أى إنسان قد يحتاج إلى الدم فى وقت ما من حياته. ولابد أن يجرب كل إنسان الإحساس الإنسانى الرائع عندما يجرى جزء غال منه وهو دمه فى شرايين طفل مصاب لا يعرفه فينقذ حياته.

15) هو أنا عندى دم ؟
ببساطة شدية سوف يتم إجراء اختبار هيموجلوبين قبل التبرع. والهيموجلوبين هو الصبغة الحمراء الموجودة فى خلايا الدم والتى تحمل الأكسجين إلى جميع خلايا الجسم. ولو كان لديك أنيميا (فقر دم) فلن يسمح لك بالتبرع بالدم. والحد الأدنى للهيموجلوبين للسماح بالتبرع هو 12 جم للإناث – 13 جم للرجال. وأقل من ذلك لايعنى بالضرورة أن الشخص يعانى من الأنيميا (فقر الدم).

16) ما هى كمية الدم الذى يتم التبرع بها ؟ وما هى الكمية الكلية الموجودة بالجسم ؟
حجم وحدة الدم 500سم3 مقسمة إلى حوالى 70 سم3 (مانع تجلط) يضاف إليها كمية الدم النتبرع بها وهى حوالى 400 – 450 سم3.
كمية الدم الموجودة داخل الجسم من 5 – 6 لتر أى (من 10 – 12 وحدة دم). لذلك فالدم المتبرع به يشكل 1/12 من حجم الدم الفعلى داخل الجسم.

17) ما هى أضرار التبرع بالدم ؟
ليس للتبرع بالدم أى أضرار على العكس هو يحفز نخاع العظام على زيادة نشاط خلاياه وبالتالى تجديد الدم.

(18 هل هناك مخاطر للتبرع بالدم؟

· لا يمكن انتقال أى عدوى للمتبرع أثناء التبرع, لأن الأدوات المستخدمة معقمة تماما ومصممة بطريقة مطورة بحيث لا يمكن استخدامها إلا مرة واحدة ثم يتم إعدامها فى محارق خاصة.
· يسحب فى كل مرة 400 ملليلتر من الدم أى 8% فقط من إجمالى الدم فى الجسم, وفقدان الجسم هذه الكمية من الدم لا يؤثر إطلاقا على الأنشطة الحيوية و الوظائف المخية للمتبرع.
· نادرا ما يشعر المتبرع بالدوار بعد التبرع فاحتمال حدوثه 4% فى حالة الإناث وأقل من 1% للذكور, إلا أنه لا يشكل خطرا على الإطلاق, فعلى سبيل الاحتياط يقاس ضغط الدم قبل كل تبرع وكذلك نسبة الهيموجلوبين, إضافة إلى ذلك فإن المتبرع يكون مستلقيا على ظهره حتى يصل الدم إلى رأسه بقوة, كما أن المتبرع لا بد أن يكون قد أخذ كفايته من النوم فى الليلة السابقة للتبرع.
· شكة الإبرة: وهى للأسف ما تمنع الكثيرون عن التبرع, وكل ما نرجوه من كل خائف من شكةأن يسأل نفسه ألا تخجل أن تترك أما ترى ابنها يموت أمام عينيها لنقص الدم اللازم لإنقاذه- وذلك خوفا من شكة ؟!
· يقول رسول الله صلى الله عليه وسلم: "ما يصيب المسلم، من نصب ولا وصب، ولا هم ولا حزن, ولا أذى ولا غم، حتى الشوكة يشاكها، إلا كفّر الله بها من خطاياه" صحيح البخارى. فما بالك بشكة من أجل إنقاذ حياة؟



18) ما هى فوائد التبرع بالدم ؟
هناك ثلاث فوائد للتبرع بالدم وهم فوائد صحية وإنسانية ودينية
الفوائد الصحية
o توجد فوائد صحية للتبرع بالدم حيث أن التبرع بالدم ينشط خلايا نخاع العظام للمتبرع (مكان تصنيع الدم) مما يزيد من فاعليتها ويجدد نشاطها فتنتج المزيد من خلايا الدم الجديدة .


ثبت أنه في كل مرة تتبرع بالدم فإنك تتخلص من بعض الحديد الذى يحتوية والذى إذا ما ارتفع مستواه بالدم يزيد من مخاطر الاصابة بامراض القلب ، كمد ان الحديد يعجل باكسدة الكوليستيرول ويزيد من تلف الشراين الصغيرة. (د.جيروم سوليفان الأستاذ بجامعة فلوريدا الأمريكي)

إن الذين يتبرعون بدمهم مرة واحدة على أقل كل سنة هم أقل تعرضا للإصابة بأمراض الدورة الدموية و سرطان الدم (مجلة القلب عدد أغسطس1997)

التبرع بالدم ينشط النخاع العظمى (وهو المسؤول الوحيد فى الجسم عن تكوين خلايا الدم), فبينما يتجدد دم الإنسان طبيعيا كل 120 يوما, يتجدد دم المتبرع المنتظم كل 20 يوما فقط أى أسرع بستة أضعاف، كما أن خلايا الدم الجديدة أنشط فى نقل الأكسوجين إلى أعضاء الجسم, مما يؤدى إلى زيادة النشاط والحيوية. فكأن الله يبدل المتبرع بكيس دم أفضل مما تبرع به.
o التحاليل التي تجرى في كل مرة للتبرع تُطمئن المتبرع على صحته بصورة دورية

الفوائد الإنسانية
بتبرعك بالدم، أنت تشارك فى إنقاذ حياة عدة أشخاص فى احتياج ملح الدم أو لأحد مشتقاته لأن الدم يمكن فصله لأربعة مكونات رئيسية هى كرات الدم الحمراء والصفائح الدموية والبلازما وبعض عوامل التجلط. بل أن هذه المكونات يمكن فصله مرة أخرى إلى مكونات أصغر. إن إحساسك بهذا العطاء سوف يشعرك بارضا والفخر.

الفوائد الدينية
· التبرع بالدم هو زكاة عن الصحة وهو فرض كفاية.
· فضل إنقاذ حياة إنسان( . . ومن أحياها فكأنما أحيا الناس جميعا . .) من سورة المائدة آية 32.
· فضل تفريج الكربات فقد قال صلى الله عليه و سلم " من فرج عن مسلم كربة من كرب الدنيا فرج الله عنه كربة من كرب يوم القيامة" (رواه الشيخان من حديث ابن عمر، كما في اللؤلؤ والمرجان، برقم 1667).


19) أنا خايف من التبرع بالدم !
أغلب الناس تخاف من المرة الأولى لكن بعد التبرع يتعجبون من ترددهم فى البداية.

20) أن خايف من شكة الأبرة!
سوف تشعر للحظة واحدة بشكة الأبرة أثناء دخولها (وهى مثل شكة أى إبرة أخرى)....أى أنها عبارة عن ألم بسيط بالمقارنة بالعطاء الذى سوف تجود به وجزاءه عند الله تعالى.
ألا تعلم أن هذه الشكة ينتظرها منك ملايين المرضى والأطفال حتى يعيشوا؟ ألا تستحي أن تترك أمّا ترى ابنها يموت أمام عينيها لنقص الدم اللازم لإنقاذه وذلك خوفا من شكة؟! يقول –ص- "ما يصيب المسلم من نصب ولا وصب، ولا هم ولاحزن, ولا أذى ولا غم، حتى الشوكة يشاكها، إلا كفّر الله بها من خطاياه" الجامع الصحيح .5641فما بالك بشكة من أجل إنقاذ حياة ؟!

21) هل تؤلم الإبرة طوال وقت سحب الدم ؟
الإبرة قد تؤلم فقط عند دخولها لكن لا يستمر الألم أثناء التبرع وهذا ألم بسيط مقارنة بالعطاء الذى سوف تجود به وجزاءه عند الله تعالى.

22) هل ستملأ كل هذه الأكياس من دمى ؟
لا، نحن نملأ كيس واحد فقط وباقى الأكياس تستخدم لفصل مكونات الدم، نحن نأخذ فقط من 400 – 450 سم3 وهو حجم وحدة الدم .

23) هل أنا بحاجة إلى أكل قبل التبرع بالدم؟
لاتوجد علاقة مباشرة بين الأكل قبل التبرع بالدم وعملية التبرع نفسها ولكن يفضل أ، تكون قد تناولت وجبة خفيفة بالإضافة إلى بعض السوائل فى الثلاث ساعات التى تسبق عملية التبرع.

24) كيف أضمن سلامتى أثناء التبرع بالدم ؟
إن سلامتك تهمنا، لأجل ذلك نحن نراعى الدقة والجودة فى عملنا فكل الأدوات المستخدمة معقمة وتستخدم لمرة واحدة فقط، أيضاً عملية التبرع كلها تتم تحت رعاية طبية.
ملحوظة. تفتح العبوة أمام النتبرع.


25) هل توجد مضاعفات للتبرع ؟ ما هى المضاعفات التى قد تحدث بعد التبرع بالدم (خايف أتبرع أحسن أدوخ) ؟ هل سأشعر بالضعف والوهن فى نهاية اليوم ؟
لاتوجد مضاعفات للتبرع بالدم طالما قام الطبيب بتوقيع الكشف الطبى عليك وأقر ملاءمتك للتبرع بالدم، وجسمك سوف يعوض الدم الذى فقدته خلال ساعات فأغلب الناس يزاولون أنشطتهم العادية بعد التبرع بالدم، ولكن نادراً ما تحدث الأعراض مثل الدوخة أو القى وتزول تلقائياً بعد فترة وجيزة .

26) كم تستغرق عملية التبرع بالدم ؟
تستغرق عملية التبرع بالدم ككل حوالى نصف ساعة وتتضمن :
· ملء بيانات لستمارة التبرع.
· قياس نسبة الهيموجلوبين والفحص الطبى.
· سحب الدم.
تستغرق عملية سحب الدم ذاتها من 8 – 10 دقائق على الأكثر.

27) بماذا سأشعر بعد التبرع ؟
معظم الناس تشعر بالسعادة والرضا لأنها أدت عملاً عظيماً خاصة عندما تعلم أن هذا الدم ينقذ حياة أكثر من شخص فى احتياج الدم.
28) ما هى (الإرشادات) النصائح التى تؤخذ بعد التبرع مباشرة ؟
التدخين : لاتدخن لمدة ساعتين بعد التبرع لأن استنشاق الدخان يحفز الدم للذهاب للرئيتين مسبباً حالة من الدوار والشحوب.
الأكل والشرب : إشرب كمية من السوائل أكثر بقليل من المعتاد خلال الـ 24 ساعة بعد التبرع.
(العصير الذى يقدم بعد التبرع بالدم هو عبارة عن ضيافة رمزية للمتبرع وشكر وترحيب بع وهذا لا ينقص من الثواب)
الرياضة والأثقال : تجنب حمل الأثقال أو ممارسة رياضة عنيفة خلال الـ 24 ساعة بعد التبرع.
الأنشطة اليومية : زوال نشاطك المعتاد بعد التبرع مع تجنب المجهود البدنى الزائد.
(فى حالة عمل المتبرع كسائق لمسافات طويلة...يفضل عدم مزاولته لمهنة القيادة فى نفس يوم التبرع).

29) هل هناك هدايا مقابل التبرع بالدم ؟
لا، ليست هناك هدايا مقابل التبرع بالدم، لان الدم هبة من الله وهو لوجه الله سبحانه وتعالى، وهو زكاة عن الصحة.




30) هل هناك بدائل للدم ؟
إن الإنسان هو المصدر الوحيد للدم وليست هناك أية بدائل للدم حتى الآن، أما ما تسمع عن بدائل الدم البشرى فهى مازالت تحت التجربة.

31) لمن أتبرع بالدم ؟
انت تتبرع بالدم لكل مريض محتاج للدم مثل الأطفال المصابة بأمراض الدم ومصابى الحوادث ومرضى السرطان والفشل الكلوى والجراحات المختلفة وحالات أخرى كثيرة، وهذا العمل الإنسانى لوجه الله سبحانه وتعالى ولخدمة أبناء وطنك.

32) أين أتبرع بالدم ؟
التبرع بالدم يتم فى بنوك الدم التابعة لإشراف وزارة الصحة، وهذا بخلاف حملات الدم المتنقلة.

33) أنا مشغول وليس لدى وقت ؟
تستغرق عملية التبرع بالدم ككل من ثلث إلى نصف ساعة (ملء استمارة البيانات وإجراء الفحوصات وسحب الدم واسراحة ما بعد التبرع)، أما عملية سحب الدم ذاتها فتأخذ من 8-10 دقائق على الأكثر، ومهما كان الوقت فهو ثمن قليل جداً لإنقاذ حياة أكثر من شخص فى المقابل.


34) لماذا يتم أخذ بيانات المتبرعين بالدم ؟
هناك أهمية كبيرة فى أخذ بيانات بالدم تتمثل فى خلق قاعدة بيانات للمتبرعين وذلك لاستخدامها فى الحالات الآتية:-
· استدعاء المتبرع فى حالات الحتياج إلى فصيلة دمه (خصوصاً فى حالات الفصائل النادرة) إذا رغب فى ذلك.
· إدخال نظام استدعاء المتبرع للإحتفاظ بمتبرع طوعى منتظم.
· لكى يحصل المتبرع على نتائج التحاليل إذا رغب فى ذلك.
· للإطمئنان على سلامة المتبرع.

35) ما هو السن المناسب للتبرع بالدم ؟
السن المناسب للتبرع بالدم يتراوح بين 18 سنة إلى 60 لأن الشخص الأقل من 18 سنة يكون فى مرحلة نمو ونضج حيث أن نخاع العظام لديه لم يكتمل نموه بعد. وكذلك لأن السن القانونى لتحمل المسئولية هو 18 سنة. أما سن الستين قد تظهر بعد المشاكل الصحية التى تعوق عملية التبرع بالدم وقد يصعب على الجسم تعويض الدم المتبرع به.


36) لماذا لا يسمح للشخص الذى يزن أقل من 50 كجم أن يتبرع بالدم ؟
احتمال حدوث دوخة أو إغماء للشخص الذى يزن أقل من 50 كجم أثناء أو بعد التبرع بوحدة دم احتمال كبير.
إن حجم الدورة الدموية يتناسب مع وزن الجسم فالشخص الذى يزن 50 كجم أو أكثر عندما يتبرع بوحدة 400-450سم3 فهذا يعادل1 /12 من حجم دورته الدموية وذلك لا يشكل أى خطر على حالته الصحية. أما إذا قل وزن الجسم عن 50 كجم فهذا يعنى أن حجم الدورة الدموية أقل من 5-6 لتر وبالتالى فقد 1/12 منها قد يؤثر على صحته.

37) لماذا لايسمح للشخص المصاب بالصفرا بالتبرع بالدم ؟
لان الإلتهاب الكبدى A ينتقل عن طريق الطعام والمشروبات الملوثة بالفيروس، وهو يصيب الكبد بإلتهاب مؤقت ويحدث أعراضاً على المريض مثل : الحمى – إصفرار الجلد والعينين وفى أغلب الأحيان لايترك أى أعراض جانبية.
لذا لايسمح الآن للشخص الذى لديه تاريخ إصابة سابقة بفيروس A بالتبرع بالدم وذلك لإحتمال إصابته أيضاً ببعض الأنواع الأخرى من الإلتهاب الكبدى قد تكون مصاحبة لفيروس A وذلك حتى اكتمال الدراسات المقامة بهذا الصدد.

38) ما هى موانع التبرع بالدم ؟
تقسم موانع التبرع بشكل عام إلى نوعين: موانع دائمة وأخرى مؤقتة، وذلك للحفاظ على سلامة المتبرع والمريض المتلقى للدم فى آن واحد.
اولاً : الموانع المؤقتة :
· التبرع بالدم خلال الشهريين السابقين.
· الصيام.
· حالات الإصابة فى حادث (يؤجل لمدة عام).
· إجراء عملية كبرى (يؤجل لمدة عام).
· إجراء نقل دم (يؤجل لمدة عام).
· خلع ضرس (يؤجل لمدة عام).
· إجراء عملية صغرى (يؤجل لمدة 6 شهور).
· علاج بالإبر الصينية (يؤجل لمدة 6 شهور).
· علاج أسنان "تنظيف وحشو" (يؤجل لمدة 6 شهور).
· إجراء وشم (يؤجل لمدة 6 شهور).
· ثقب للأذن (يؤجل لمدة 6 شهور).
· إلتهاب رئوى أو شعبى (بعد تمام الشفاء).
· أنيميا نقص الحديد (بعد تمام الشفاء).
· إلتهاب الكلى والمسالك البولية (بعد تمام الشفاء).
· المخالطة لحالة إلتهاب كبدى (يؤجل لمدة عام من تاريخ المخالطة).
· تضخم فى الغدد الليمفاوية (يؤجل لحين التشخيص والعلاج).
· الملاريا (يؤجل لمدة عام بعد التأكد من الشفاء).
(فى حالة زيارة المتبرع لمنطقة يتوطن فيها المرض) يؤجل لمدة ثلاثة أسابيع بعد العودة.
· التطعيم
بعض التطعيمات تستدعي التاجيل لفترة تتراوح بين اسبوعين و سنة
· الحمل والرضاعة (يؤجل لمدة عام بعد الولادة).
· الدورة الشهرية (لا داعى للتأجيل الإ فى حالة زيادة الطمث).
v الادوية :
· أسبرين (يؤجل لمدة 3 أيام إذا كان التبرع بصفائح دموية "وتوضع علامة على وحدة الدم الكامل فى حالة التبرع قبل ذلك حتى لا يفصل منه صفائح دموية").
· مضادات حيوية أو كورتيزون (يؤجل لحين انتهاء العلاج).

ثانياً : الموانع الدائمة :
· الأمراض الصدرية المزمنة.
· جميع أنواع الأنيميا عدا أنيميا نقص الحديد.
· أمراض الدم الأخرى بأنواعها.
· مرض السكر.
· أمراض القلب والحمى الروماتيزمية.
· حالات تضخم الكبد.
· البلهارسيا.
· الصفراء (الإلتهاب الكبدى).
· حالات الفشل الكلوى.
· حالات التشنجات والصرع والإغماء المتكرر.
· أمراض تناسلية (إيدز – زهرى – سيلان).
· زيادة أو نقص إفرازات الغدة الدرقية.
· المراض السرطانية.
· الأمراض النفسية.

39) هل التبرع بالدم ينقض الوضوء ؟
نعم التبرع بالدم ينقض الوضوء.

40) هل التبرع بالدم يفطر ؟
وفقاً لفتوى الأئمة هو لا يفطر.

41) هل التبرع بالدم يقلل وزنى (يخسسنى) ؟
بالطبع لا، فليست هناك أى علاقة بين التبرع بالدم وفقدان الوزن.

42) هل يمكن التبرع أثناء الدورة الشهرية ؟
لايوجد سبب يمنع التبرع أثناء الدورة الشهرية، لكن يؤجل التبرع فى حالة زيادة كمية الدم المفقودة أثناء الدورة.


43) هل يمكننى التبرع وأنا أخذ أقراص منع الحمل ؟
نعم يمكنك التبرع.

44) هل يمكن التبرع وأنا حامل ؟
لا، لايمكن التبرع أثناء الحمل، وذلك للحفاظ على صحة الأم والجنين.

45) هل يمكن التبرع أثناء الرضاعة ؟
لا يمكن التبرع أثناء الرضاعة فى السنة الأولى... وذلك للمحافظة على مخزون الحديد فى الجسم وللمحافظة على صحتك وصحة الطفل.

46) هل يؤثر التبرع على القدرة الجنسية ؟
ليس للتبرع أى تأثير على النشاط الحيوى للجسم.

47) هل تعاطى المخدرات يمنع التبرع بالدم ؟
لا يجوز التبرع بالدم لمن يتعاطى المخدرات وذلك لأن حالته الصحية غالباً لا تسمح ولأن من يتعاطى المخدرات يكون أكثر عرضة للإصابة بالأمراض التى تنتقل عن طريق الدم.

48) ما هى الفترة اللازمة بين التبرع والآخر ؟
بالنسبة للذكور تكون الفترة المناسبة 3 أشهر وبالنسبة للإناث 4 أشهر.

49) لماذا أنتظر هذه الفترة (4-8 أسابيع) بين التبرع والآخر ؟
لان التبرع بالدم ينشط نخاع العظام لإنتاج كرات دم حمراء جديدة لتصل إلى نسبتها الطبيعية خلال 4-8 أسابيع، أما سائل الدم (البلازما) فيتم تعويضه خلال الأربعة والعشرين ساعة الأولى بعد التبرع.

50) لمن يذهب الدم ؟
يذهب الدم للمرضى المحتاجين له مثل المريض بأحد أمراض الدم مثل الأنيميا واللوكيميا، أو لمرضى السرطان والفشل الكلوى، والأطفال المصابين بأحد أمراض الدم أو لمن فقد جزء من دمه سواء فى الجراحات المختلفة أو الحوادث. وتأكد فى النهاية أن دمك سوف ينقذ شخصاً ما فى أمس الحاجة له.

51) كيف أضمن وصول الدم لمستحقيه ؟
من هم مستحقيه ؟ .....كل مريض هو مستحق للدم، يقوم المسئولون ببنك الدم بالرقابة على ذلك، ويعطى الدم لمستحقيه سواء بالمجان لمرضى المستشفيات الحكومية التى تدعمها الدولة أو لأى مريض بمستشفى خاص بعد دفع جزء من تكلفة اختبارات سلامة وحدة الدم.




52) لماذا اشترى الدم وأنا متبرع؟ ولماذا يباع هذا الدم؟
أنت لاتدفع ثمن الدم. إن ما تدفعه هو جزء من تكلفة التحاليل التى تجرى على وحدة الدم.
هذا فى حالة علاج المستشفيات الخاصة.
أما فى حالة العلاج فى المستشفيات الحكومية فإن الدولة تدعم العلاج ككل.

المريض لا يشترى الدم, بل إن فى حالة مرضى الدم المزمنين يصرف الدم مجانا فى المستشفيات الحكومية، أما المبلغ الذى يدفعه المرضى الآخرون فهو جزء قليل من تكلفة التحاليل (تحديد الفصيلة, تحليل الفيروسات الكبدية B و C, الإيدز والزهرى,و التحاليل التأكيدية لأى من هذه الفيروسات) هذا بالإضافة إلى سعر الكيس والمعدات والأجهزة المستخدمة فى بنوك الدم وتتحمل الدولة النسبة الأكبر من هذه التكلفة, أما المستشفيات الخاصة فبطبيعة الحال لا تدعم أكياس الدم.


(52كنت أتبرع بانتظام واحتاج أحد أقاربى للدم فلم يجد فامتنعت عن التبرع

هذه التجربة المريرة كان لا بد أن تتعلم منها أن المجتمع فى حاجة إلى المزيد من المتبرعين فتتبرع وتحض غيرك على التبرع لا أن تمتنع, فالوسيلة الوحيدة التى يمكن بها ضمان وجود الدم عند الحاجة إليه هى أن يتبرع كل القادرين على ذلك وبانتظام


53) ما هى التحاليل التى تجرى على الدم ؟



قبل التبرع يتم عمل تحليل هيموجلوبين للتأكد من أن نسبته مناسبة للتبرع، أما كيس الدم فيفحص لمعرفة فصيلة ...... ثم يفحص المعامل الريسوسى .... ، ثم تجرى اختبارات للتأكد من خلو الدم من الإصابة بالالتهاب الكبدى .... والإيدز ومرض الزهرى.


54) لماذا لايتم إجراء التحاليل كاملة قبل التبرع ؟
لان التحاليل تحتاج إلى وقت وأجهزة دقيقة وذلك لضمان سلامة وحدة الدم.




55) هل لى الحق فى معرفة نتائج التحاليل ؟


نعم، لك الحق فى معرفة نتائج التحاليل. وبنك الدم يقدم تلك الخدمة فى سرية وخصوصية تامة لمن يطلبها شخصياً.






ما مدى السرية فى معرفة نتائج التحاليل ؟56)


بنك الدم يوفر لك سرية تامة فى نتائج التحاليل فإسم المتبرع لا يكتب على كيس الدم لأن الإسم يتحول إلى رقم، وهذا الرقم يكتب على كيس الدم لإجراء التحاليل اللازمة له ومن ثم فهناك خصوصية وسرية تامة.





57) ما هو الوقت المستغرق لظهور نتائج التحاليل ؟


يستغرق عمل الفحوصات 24 ساعة، ولكن قد يحتاج بنك الدم إلى وقت أطول للتأكد من بعض النتائج. وهذا قد يستغرق حوالى أسبوع.


58) هل يمكن أن تنتقل لى عدوى من التبرع بالدم ؟ هل يمكن انتقال عدوى الإيدز من التبرع بالدم ؟ هل يمكن انتقال فيروس التهاب كبدى وبائى من التبرع ؟
نؤكد لك أنه لا داعى للخوف مطلقاً من احتمال الإصابة بعدوى أثناء القيام بعملية التبرع، لأننا نراعى الدقة والأمان الكامل في عملنا وكل الأدوات المستخدمة معقمة وتستخدم لمرة واحدة فقط.
كما يتم تطهير مكان شكة الإبرة بالكحول. كذلك يتم التخلص من الفضلات الطبية بطريقة آمنة تضمن سلامة المتبرع وكيس الدم، كذلك سلامتنا نحن العاملين من الإصابة بأى عدوى.


59) لماذا يتم أجراء تحليل لفصائل الدم قبل تلقى الدم ؟
عندما ينقل للإنسان دم من فصيلة غير متوافقة مع دمه فإن الجهاز المناعى للمتلقى يعتبر هذا الدم جسم غريب ويحمى الجسم بتكوين أجسام مضادة تلتصق بالدم الغريب وتدمره مما يؤدى إلى حدوث مضاعفات حطيرة ومنها التكسير الشديد لكرات الدم مما يودى بحياة المريض بدلاً من علاجه.

60) ما هى التحاليل التى تجرى على كيس الدم ؟
كل كيس تجرى عليه التحاليل الآتية:
أ‌- تحاليل الكشف على الفصيلة:
1) نوع الفصيلة ABO : أول خطوة هى التعرف على فصيلة المتبرع A&B&AB&O.
2) المعامل الريسوسى RH : يتم التعرف على المعامل الريسوسى إذا كان سالباً أو موجباً.
ب‌- تحاليل الكشف عن الأمراض المعدية :
1) تحاليل للكشف عن وجود إصابة بفيروس الإلتهاب الكبدى الوبائى B.
2) تحاليل للكشف عن وجود إصابة بفيروس الإلتهاب الكبدى الوبائى C.
3) تحاليل للكشف عن وجود إصابة بالإيدز.
4) تحاليل للكشف عن وجود إصابة الزهرى.
v الاختبارات والتحاليل التى تجرى على كيس الدم دقيقة جداً وذلك لضمان وصول الدم الآمن للمحتاجين إليه.
v الاختبارات تجرى على أكياس الدم بلا استثناء حتى أكياس الدم الخاصة بالمتبرعين الدائمين وفى كل مرة.




61) ما هى الإجراءات المتبعة فى حالة اكتشاف مرض ؟


فى حالة اكتشاف مرض يتم إرشاد المتبرع إلى ما يجب عمله بصفة شخصية وفى سرية تامة(بواسطة الطبيب المختص).


62) ما هو مصير كيس الدم لو ظهر شئ فى التحاليل ؟
يتم التخلص من الأكياس الملوثة عن طريق إعدامها فى محارق خاصة ببنك الدم.

63) ما هى فصائل الدم ؟
فصائل الدم تعتمد فى تقسيمها على عاملين أساسيين وهما :
الأول خاص بفصائل ABO
الثانى خاص بالمعامل الريسوسى RH
ملاحظة : نقل الدم الآمن يعتمد على التوافق بين فصيلة دم المتبرع والمتلقى .
· الشخص الذى يحمل بروتين A على سطح الكرات الحمراء يحمل فصيلة دم A .
· الشخص الذى يحمل بروتين B على سطح الكرات الحمراء يحمل فصيلة دم B .
· الشخص الذى يحمل بروتين A&B على سطح الكرات الحمراء يحمل فصيلة دم AB .
· الشخص الذى يحمل بروتين A أوB على سطح الكرات الحمراء يحمل فصيلة دم O .

v تماثل فصيلتى دم المتبرع والمتلقى لا يغنى عن إجراء عملية التوافق.

64) ما معنى RH أو المعامل الريسوسى ؟
ما المقصود بفصيلة سالب أو موجب ؟
توجد صفات وراثية على كرات الدم الحمراء تسمى المعامل الريسوسى.......وجودها يعنى أن الفصيلة موجبة وغيابها يعنى أن الفصيلة سالبة.
والفصيلة RH الموجبة متواجدة فى حوالى 85 % من البشر والفصيلة RH السالبة فى 15% الباقية. لذا فالفصيلة السالبة تعتبر فصيلة نادرة.

65) ما هى أكثر الفصائل شيوعاً وما هى أقلها ؟
فصائل الدم تعتمد على الصفات الوراثية المحمولة على سطح كرات الدم الحمراء :
· أكثر الفصائل شيوعاً هو (موجب O) وأقلها (سالب AB) .
· المهم أنه مهما كان نوع فصيلة دمك فثق أنه هام جداً لإنقاذ حياة شخص ما.

66) ما هى الفصائل النادرة ؟
هناك بعض الفصائل تكون نادرة مثل فصائل RH-ve وقد تتواجد فى أسر أو قبائل أو عرقيات خاصة .
إذا كنت من هؤلاء أصحاب الفصائل النادرة، فلا تبخل بدمك لإنقاذ آخر لأنك أنت وحدك القادر على إنقاذه.


67) ما المقصود بأمراض الدم ؟
أمراض الدم هى أمراض ناتجة عن عيب فى أحد مكونات الدم الرئيسية وهى أمراض وراثية وقد لا تكون وراثية .... وينتج عنها تكسير كرات الدم الحمراء مثل أنيميا الفول أو أنيميا البحر المتوسط، وأخرى مثل سيولة الدم كالهيموفيليا والثلاثيميا ويحتاج المريض فى تلك الحالات لنقل دم مستمر مدى الحياة. مثل أنيميا الفول أو أنيميا البحر المتوسط، وأخرى مثل سيولة الدم كالهيموفيليا والثلاثيميا ويحتاج المريض فى تلك الحالات لنقل دم مستمر مدى الحياة
منقووووول.



سالخيييييييير عليكوا

الاستمارتييييييين 

بالعربى 

دوس 



نزلها وابعتها لنا ع الميل 


بالانجليزى للمثقفين امثالى ههههههه 

دوس 


كمان معلش مطلوب منى ايه تانى 

احطه ف الجنب لانى مش عارفة 

قولولى وانا هانفذ فوراا 

ميرسى جداااااااا جدااااااا 

للقطة مارو 

والحب الجميل 

تسلموا لاهتمامكم وهمتك معانا 



انا جيييييييييييييييييييييييييييييت

اولا انا اسفة جدااااااااااا ع قلة زوقى
 
وعدم الرد ع اى تعليق من تعليقاتكم

مش عاملة مهمة ولا حاجة بس  انا

كنت وحشة اوى رغم انى قد ابدو

 بضحك وبهزر

لكن ربكم الوحيد العالم بالنفوس

ثانيا : انا بجد كتير اوى اوى

الاطراء اللى بيقولوا محمد وفاتيما
 
 ودكتورة ستيتة

وكلكم بجد بجد كتير انا ما اجيش جنبكم

 حاجة والله

الفضل لربنا ومن بعده محمد لانه لو انا

 عملت حاجة كويسة

ف دنيتى هتبقى هى دى الحملة دى ويمكن تكون

باب اعمل منه خير ع طول باذن الله

ثالثا :

انا مش هاكتب بوست واقول ايه اهمية نقل الدم

ولا هاقول ان ده خير وانه زكاة عن نفسك

بس هاقول كلنا دلوقتى مصريتنا بانت اوى ظهرنا كمصريين

كلنا اه يا محمد هنبقى معاك وبعدين مالقيتش حد معاه حتى انا

بس هو عارف ظروفى

دلوقتى هو مشروع سهل خالص

هنعمل قاعدة بيانات لكل محافظة باسماء متبرعين

اللى يقدر يتبرع ويكون متواجد ع طول يعنى سهل الوصول اليه

يتفضل يملأ الاستمارة دى ويكون ربنا جزاه

كل خير انه حتى نوى يعمل خير

ولا بنطلب منكم فلوس ولا مجهود

دى دقيقة هتملا فيها استمارة ووقت بقه مانحتاج لمتبرع

واظن وقت ما هتلاقى حد محتاجك مش هتتاخر

ده انت يا سيدى ويا سيدتى بتبرعك ده هتحيى نفس

ومن احيا نفس كانه احيا الناس جميعا

مااعتقدش ان ده شوية

مستنية تفاعل يا جماعة

انا اللى بطلب منكم تساعدونى اعمل خير ف حياتى يمكن ربنا يكرمنى

ويرزقنى خير ويهديلى نفسى ع ايديكم

يعنى هتعملوا خير اوس اتنين

يلا انا عايزة لو سمحتوا الاستمارات تنزل ترف عليا

وعارفة انكوا مش هتكسفونى

جزاكم الله كل خير

بحبكم ف الله كلكم

اختكم منونا



يوم التلات اللى فات كان فيه توقيع كتاب - زوجى مازال حبيبى - لساره درويش اسعدنى الحظ انى احضره الف مبروك لساره وعقبال الكتاب رقم 100

هناك قابلت منونه للمره الثانيه وبعض شباب محافظه الغربيه المتحمسين للفكره بعضهم مدونين والبعض غير مدونين اتناقشنا على عجل فى بعض النقاط مازالت الفكره مبهمه بعض الشىء يمكن لانها مازالت فى طور الانتشار لكن لفت انتباهى اعتراض بعض الناس على الاسم واضطررت لان اشرح المفهوم من الاسم وشرحى لم يلاقى اقتناع

عشان كده انا النهارده محتاج اسألكم انتم شايفيين فعلا ان الاسم ممكن يكون منفر؟

انا عن نفسى عندى اسبابى وقناعتى الشخصيه بالاسم دا ولكن بما ان الفكره فكرتنا كلنا فطبعا لازم تقرروا معايا هل نبقى على نفس الاسم ام يجب تغييره

-------------------------------

فى حاجه مهمه جدا

انا شايف عدد الناس فى الجروب او حتى فى البلوج عدد متزايد بيدل ان الفكره بدأت تنتشر وتتسمع

بس فيه حاجه غريبه جدا

مازال عدد الناس اللى اخدت قرار بالاشتراك كمتبرعيين او حتى كاشراف قليل جدا

ومضطر بقى اقولهم تانى

----------

فتاه من الصعيد - مدونه ملقتلهاش عنوان

د/ ستيته - مدونه مش عارفه بس نفسى اعرف

مدونه يوم جديد

منونه - مدونه واحد شاى

مدونه حكايات بوبو

----------

طيب مش عارف ايه السبب اللى مخلى الناس مش تبعت بياناتها

عموما بكره ان شاء الله هنحط استماره واللى ناوى هيملاها ويبعتها على الميل دا

لو حد عنده مشكله فى انه يبعت البيانات صبرنى تبرعت انها ممكن تتلقى بيانات اخواتنا وبالنسبه لاخواننا فعادى بقى يبعتوا على الايميل الموجود فى السايد بار

---------

شكرا منونه على التعديلات وانت المستشار الفنى فورينا همتك

--------

مدونه مجرد انسان

مدونه رياح الحنين
مدونه من نور

لاحظت ان حضراتكم التلاته من محافظه الاسكندريه

ومتحمسات جدا للفكره

دا شىء جميل ومحسسنى انكم لو اتجمعتوا هنقدر نعمل حاجه فى اسكندريه

فكروا ومنتظر رأيكم

----------

شكرا استاذه حسنا على نشاطك فى جروب الفيس بووك

----------

باعتذر عن اى حد مردتش على الكومنت بتاعه البلوجر بيعند معايا وكل ما اكتب تعليق ميظهروش

---------

شكرا لكل من نشر وشكرا لكل من وضع اعلان للمشروع عنده

---------

شكرا مقدما لكل من لم ينشر بعد وسيقوم بالنشر فى الايام المقبله
----------------
ملحوظه

كل من يريد الانضمام ليصبح ادمن فى المدونه او جروب الفيس بووك فليبدى رغبته فى ذلك

سعيد جدا النهارده لسببين
الاول
منونه درويش
اللى جاى دا كومنت من منونه البلوجر كان مغلس ومش عاوزها تنشره بعدين نشره تلت مرات وانا مسحته عشان اخليه فى البوست لانه مهم جدا
اقول حاجه قبل الكومنت - شكرا على ايجابيتك يا منونه - وانا قلتها لك كلمه عابره "ايه رأيك فى تبرع عندكم فى الغربيه" لكن الحمد لله الانسان بيبان من اول وهله وظنى فيكى فى محله
الكومنت
---------------------

سالخييييييييير

اسفة ع التاخير بس والله غصب عنى النور كل شوية يقطع

مش مخلينى عارفة اعمل او اتابع اى حاجة ع النت

اولا جاية ابشرك انى بالفعل اتكلمت مع كذا ممرضة

وبدور فعلا ع مكان نضيف للتبرع لانى انا مش عايزة حد

يتأذى من التبرع

الرد هيوصلنى منهن ع يوم الخميس

باذن الله ع الاسبوع الجاى لو ربنا اراد هاكون نزلت

الاماكن وعاينت واشوف انضفهم وأأمنهم

ده بخصوص طنطا ومحافظة الغربية

هانزل بوست حاضر حالا باذن الله

تظبيط المدونة عليا انا ونشرها كمان تمام

بس ابعتلى اضافة كادمن ع المدونة

انا مع استاذ خااالد انا فعلا فعلا اول مرة اعمل

حاجة زى دى وفعلا قلقانة من موضوع الامان والاماكن

وحاجات كتير فياريت زوى الخبرة يحكوا تفاصيل او

الخطوات اللى بدأو بيها الموضوع

كمان انا شكاكة اوى وهابقى محتاجة اعرف ازاى اعرف

ان الناس اللى هاروح اتبرع عندهم مش هيبيعوا الدم

ده ف السوق السودا والحاجات دى فاهمنى يا جماعة :(
------------------------------------

ايه رأيكم؟

أنا بالنسبه لى مش لاقى تعليق بس روح منونه دى خلتنى أخد عهد على نفسى إنى مكمل للاخر واعتقد انتوا كمان عندكم نفس الاحساس

حاضر يا منونه هنجيب لك اجابات على كل اسئلتك ومتشكر جدا لانك وعدتى وبتنفذى وربنا يجازيكى الخير

-----------------------------------

حاجه تانيه فرحتنى

الناس بدأت تنشر حتى ناس كتير مكنتش قرت الموضوع مباشره عندى ولا يعرفونى شخصيا

فرحت أوى بيهم

قلم رصاص

جاره القمر

ليس فقيرا من يحب

ولد تحت الصفر

بسكوته

فاتيما

شكرا لكل الناس اللى نشرت

شكر خاص لبسكوته اللى اكتشفت انها بقالها فتره لم تدون لكن البوست بتاعها قوى جدا وفعلا رساله جميله جدا باللغه الانجليزيه هاحتفظ بيها يا فندم

كمان الصوره جميله وأستأذنك اخدها

فاتيما

بوست فاتيما يلمس المشاعر جدا وكنت مستنيها تكتبه من يوم تبرع خيخه لان فكرته كانت وليده اللحظه يوم التبرع وتوقعت انه يكون جميل زى ما طلع شكرا يا فاتيما

--------------------

فيه حد شوفت له تعليق عندى وعند ناس تانيين

بيقول بس لو الدم دا فيه ايدز نعمل ايه

صراحه مفهمتش السؤال عشان اجاوب

-------------------

مستنى على الايميل مساهامتكم وبياناتكم لاعداد قاعدده البيانات

مستنى الناس تستمر فى نشر الفكره واللى مكتبش ياريت يكتب

مستنى حد يكون عنده الاستعداد للاشراف ومتابعه المدونه والمشروع

------------------

الاخت حنان الشافعى

يا فندم دا انا بادور عليكى من زمان

سعيد جدا بمبادرتك وهنتواصل قريب ياريت على الميل

-----------------------

كيارا
ياريت نقدر نتواصل معاكى فعلا هنحتاج مساعدتك
مدونتك مش قادر اوصلها
ياريت لو حد يعرفها يوصل لها الرساله دى
-------------------
جزاكم الله خيرا

ورزقكم الصحه والعافيه

احبائى كيف الحال

هوا احنا تنصنيفنا ايه يعنى فيه حاجه بتربطنا ولا كل واحد مع نفسه؟

طيب لو بينا ترابط هل له ترجمه؟

مش شايف ان المدونيين لو يتجمعوا على شىء يبقى فيه عيب؟

انا باشوف التدوين مجتمع والمجتمع دا مكون منى ومنك انت معتبر نفسك مدون وانا معتبر نفسى مدون

مش شايفين اننا المفروض نجتمع على حاجات زى ما بنختلف على حاجات على مشروع على فكره على رأى

الفكره مش فكرتى دى فكرتكم

والمشروع مش مشروعى دا مشروعكم

يمكن يبدأ صغير محدش يعرف ممكن فى يوم يبقى بنك كبير يخدم عدد لا نتخيله

انا مقصر جدا فى عمل الخير بس عاوز اقول انى فعلا عشان تحس انك عايش انك ليك قيمه فى الحياه انك انسان اعمل خير ساعد حد هتحس بسعاده خفيه ملهاش وصف

الفكره دى لو كتب لها النجاح هيبقى نجاح لمجتمعنا الصغير اللى بانتمى ليه وباحبه ومقدرتش انى اعتزله اكتر من مره

تجمعنا لوحده على شىء واحساسنا اننا مع بعض على هدف واحد دا له معانى كتير

معلش كلامى مش مرتب بس هى فضفضه مع اخواتى

كام ملحوظه

اولا باشكر كل اللى نشر اللى قدرت اوصلهم وشوفت نشرهم

خالد همس الاحباب

فتاه من الصعيد

ندى الياسمين

ساره رحيل

ومستنى من كل مدون بوست صغير لو مؤمن بالفكره

-----------------------

ياريت يا جماعه كل واحد يبدأ يتعامل مع الفكره على انها فكرته لا فكرتى ولا فكره غيرى يعنى يتكلم عن البنك من منطلق انه بنكنا احنا

محدش يقولى دا بنك المدونيين بس والكلام دا الفكره انا شرحتها كتير هوا كلمه مدونيين بس يعنى هيخرج من قلوبنا احنا لحد ما يكبر واللى هيستفيد منه من اول ما نشتغل هيكون كل الناس واى حد

----------------------

ياريت نقرا اول اربع بوستات وبلاش نقرأ من اخر بوست

لان فيه ناس لسه بتسأل الدم منين لفين

هتلاقوا جواب الاسئله دى

هتاخد منكم عشر دقايق بإذن الله

---------------------

مين هينظم عنده تبرع فى محافظته خلال التلت شهور اللى جايين

بدأنا بمنونه درويش عاوزيين نشجعها ونعرض عليها المساعده

كله اللى محتاجينه ان شالله خمس اشخاص من طنطا

مستنيين حد من محافظه تانيه يقول ها انا ذا

شباب المنصوره مش ناويين ولا ايه؟

--------------------

اخواتى طلب صغير واسف على الطلب دا بس ياريت

اعتقد المدونه بقت موجوده والايميل والجروب على الفيس بووك

مش لازم دلوقتى ذكر اسمى ولا مدونتى

وخلى مدونه بنك دم المدونيين قائمه بنفسها

-------------------

دعوه الى اى حد عاوز ينزل بوستات هنا على المدونه دى يتصل بيا على ايميل البنك

ourbbb@yahoo.com

-------------------

هاقولكم على سر

انا مش باعرف اعمل اى حاجه فى المدونات يعنى التطويرات الحديثه

اللينكات والعدادات والحاجات الظريفه دى انا للاسف قديم جداااااااااا
حد ناوى يساعد فى الموضوع دا ؟
------------------

محتاجيين حد يعمل لنا بانر ياريت حد يهتم بالموضوع دا

------------------

فيه أسئله كتير

هنشتغل ازاى وهيبقى ازاى

ندى الياسمين شرحت الفكره زى ما احنا شايفينها حاليا

الفكره بتاعتك فكر فيها وقول رأيك اعمل معانا

يمكن انزل بوست بس مش دلوقتى يكون مفصل اكتر

------------------

حاليا هنشتغل على برنامج لقاعده البيانات

والموقع ان شاء الله يمكن ياخد وقت شويه بس ربنا يكرمنا والوقت ميكونش طويل


صراحه يا جماعه محتاجيين نتناقش مع بعض لسببين
أولا
المشروع دا لو تم بإذن الله هيكون بتاعنا كلنا فلذلك عشان كده نبقى كلنا مطالبيين بطرح أفكار ومناقشتها مع بعض
ثانيا
صراحه يا جماعه أنا إتلخبطت أوى امبارح كمان انا مسافر الشغل يوم 24 اللى جاى والوقت بيمر وعاوزيين نتحرك شويه عشان نكمل خلال الشهر اللى هاكون فيه هناك ربنا يكرم واقدر نتواصل مع بعض لكن برضه المجموعه اللى اتبرعت انهن يكن فى الاشراف عليكوا الاستحمال بقى
فيه كام فكره تم طرحهم امبارح فى كومنتات على اخر بوست عاوز نتناقش فيهم
ندى الياسمين
جمعيه رساله عامله عندها حاجه زي كده اسامي ناس عندها متقيدين مستعدين للتبرع والحكايه ماشيه حلو اوي
مفهمتش المقصود من الاقتراح يا ندى الياسمين
رساله انا اعرف نشاطهم من زمان ولهم ويب سايت واكيد هما سابقيين فى الفكره هل المقصود نشتغل من خلالهم؟
ولا ندرس تجربتهم ونستفيد منها؟ وضحى لنا أكتر وانا سهل جدا انى اروح واسمع منهم بس نحدد احنا محتاجيين رساله فى ايه
لانى اكتشفت حد تانى منفذ الفكره بتاعتنا بشكل كامل ودا اللى هيجى تباعا فى الافكار اللى هاطرحها
---------------------------------
دكتوره ستيته
قمت بانشاء جروب على الفيس بووك بنفس اسم المدونه (هوا انتى على الفيس بووك يا دكتور؟) سؤال بره المنهج
ربنا يستر من الفيس بووك لانى باقلق منه صراحه
بالنسبه يا دكتور لفكره منونه احنا عاوزيين نعمل تبرع فى طنطا وانا طرحت الفكره على منونه وهى تحمست ربنا يكرمها واعتقد لو قدرنا نعمله دلوقتى حتى لو بخمس افراد طنطاويه تبقى حاجه كويسه جدا مع بدايه المشروع
لو حد احتاج دم هل اقدر اواعده في المصل واللقاح أتبرع وهم يعملوا له التحاليل وياخد الكيس من غير ما يدفع فلوس؟
هاحاول اوجد اجابه للسؤال دا يا دكتور
كل مدينة عاوزين نعرف فيها مكان نضيف للمتبرع ده أولا
دى ان شاء الله بسيطه نحددها ومتنسيش حضرتك ان ان شاء الله هنحاول اننا نعمل تبرع فى كل محافظه وهنشرف ونغطى التبراعات دى ونتأكد ان مكان التبرع كويس
-------------------------
جيجى
ده جروب على الفيس بوك اسمه بنك الدم الخيري عمله شباب فى المنصوره والحمد لله المسؤلين عنه عاملين شغل كويس بفضل الله بس لسه عايزين اكتر والاهم عايزين فى كل مكان فى الجمهوريه ويمكن عندنا فى المنصوره اسهل شويه من القاهره
http://www.facebook.com/photo.php?pid=31299691&id=1472063047#!/group.php?gid=67417165678&ref=ts
صراحه جيجى ارسلت لى لينك جروب على الفيس بووك هى نفس الفكره بالظبط وبسم الله ما شاء الله عد مشتركينها فوق 2000 هوا نشاطها الاساسى فى المنصوره بس صراحه اللينك دا لخبطنى جدا لانها نفس الفكره وقعدت افكر فى ايه هو الفرق بينا او ايه هوا الجديد اللى هنقدمه
السؤال دا انا لاقيت له اجابه بس احب اعرف اجابتكم عنه الاول
جيجى كمان قالت
الكيس مبدئيا تمنه الرسمى 45 حنيه ولازم تحيب واحد يتبرع وياتلاقى الفصيله ياماتلاقيش وحتى اذا لاقيت مش بيدولك الكميه كلهابيتباع بقى بره بكاااااااااااام230 جنيه وفى مستشفى من المستشفيات بتاعت الاعلانات ب كااااااااااااااااااااااااااااااااااااااااام ب375 جنيه
جيجى محتاج توضيح عن نقطه ال 45 جنيه دى
ملحوظه يا جيجى
اللى عنده انيميا مينفعش يتبرع طبعا بس لو حابه نسأل طبيب نسأل
اللينك دا مفتحش معايا يا جيجى معرفش فتح معاكى ولا لأ
اخيرا
مستنى اعرف انتوا شايفيين فى البنك بتاعنا ايه جديد
ولو مكمليين معايا المشوار
محتاج افكاركم محتاج مجهودكم محتاج شدتنا ايدين بعض
يمكن هناخد وقت شويه فى البدايه بس انا مش قلقان وصابر وعاوزكم صابرين وعلى رأى دكتور ستيته معاكم لحد شلاتين
تحياتى



بادىء ذى بدء أدين بالاعتذار لاستاذتى العزيزه دكتور ستيته لانى أصابنى الاحباط فى مرحله ما وأشكر لها تعليقها الذى أمدنى بالحماسه ثانيه والاصرار على تكمله المشروع مهما طال الوقت ومهما كان العدد قليل
ثانيا أود أن أشكر من تفاعلوا بجديه مع المشروع وترتيبهم من حيث الأسبقيه فى إريال بيانتهم و إبدائهم الرغبه فى المشاركه فى المشروع
دكتوره ستيته
فتاه من الصعيد
يوم جديد
منونه - واحد شاى
يبدو ان الرجاله ماتوا فى الحرب فعليا
--------------------------------
خلصنا المقدمه نتكلم شويه بقى
أسعدنى الحظ وحضرت التبرع الخيخى الأخير يوم السبت اللى فات وأسعدنى الحظ وقابلت مجموعه ظريفه جدا أعرف منهم أربعه شرفونا فى لقاء المنصوره شهر نوفمبر اللى فات وهم
خيخه - فاتيما - خالد همس الاحباب - محمد عسقول
صراحه كانت فرصه كويسه انى اتعرف على خيخه وفاتيما لان للاسف فى لقاء المنصوره لم تتح لى الفرصه انى اتكلم معاهم وفرحت جدا انى قدرت اتعرف عليهم واتكلم معاهم وبجد مش قادر اقول غير انى مبسوط اوى ان فى بلدنا شباب بالعقليات والهمه والاراده دى
باقى باشوفهم لاول مره
وليد وكمال ومصطفى وبشمهندس احمد كلهم ناس محترمه اوى وظراف جدا واتشرفت بمعرفتهم وان شاء الله نتقابل دايما
نيجى لاخيرا وليس اخرا
منونه درويش
كانت مفاجأه ليا انى الاقيها هناك وسعدت جدا بلقائها لانها يمكن هى وفاتيما اللى كان عندهم فكره عن المشروع كمان منونه حضرت توقيع كتاب ساره فى طنطا لكن لم اتعرف عليها للاسف
خلصنا من تفاصيل التبرع نيجى لنقطه مهمه
حضورى للتبرع دا جه فى وقته جدا لانى صراحه كنت محبط من عدم نجاح الفكره او انى كنت منتظر رد فعل قوى بس التبرع دا غير وجهه نظرى بشكل كبير احنا عددنا مكانش كبير صحيح بس الاستمراريه هى الاهم خيخه نجحت بفضل ربنا انها تخلى الحمله دى مستمر من 2008 حتى الان وان شاء الله دايما ودا المهم فى الموضوع
----------------------------------------
مش عارف اقول ايه عشان احمس الناس بس هاعيد نشر كومنت من جيجى والعالم على البوست اللى فات


جزاكم الله خيرا كثيييييرا حقيقى قطره دم تساوى حياه




امبارح شفت واحده عماله تزعق ومنهاره وتنادى فى كل مكان عايزه فصيله دم بي موجب لان اخوها محتاج تلات اكياس وهو بيعمل عمليه وقتها
احنا كنا رايحين مشوار فى مستشفى جنبها

خلصنا المشوار نزلنا لانها قاعده ادام المشرحه واخوها مات بعدها بحوالى ساعتين


ياريت بجد نساعد فى موضوع الدم ده ويامنا من كربات الزمن

جيجي والعالم

---------------------------
لهنا انتهى تعليق جيجى وبالنسبه لى لا تعليق

تعليق تانى من المدونه داليا وهى صحفيه

فكره كويسه بس عايزه شغل جامد جدا
ممكن اساعدكم بنشر الفكرة عندنا في جرنال الشروق بس انا محتاجه معلومات أكثر عن الحملة وكم واحد انضم ليها وما مستوى تنفبذها
يا ريت تبعلتي تفاصيل اكثر

مع احترامي
داليا
---------------------------
طبعا مش عارف هل شايفيين ان الحمله ممكن تقوم بأربعه؟
أعتقد لو كنت عملت بيج على الفيس بووك وجايز لو سميتها
بس يا سيدى وقامت متبرعه
يمكن كان انضم لها حتى لو خمسين واحد فى تلت ايام بلاش خمسين الف
--------------------------
أخيرا
محتاج مساعده اصدقائى المدونيين لتفعيل الفكره
نداء
خيخه
محتاجك معايا فى المشروع دا واعتقد ان فهمتك الفكره بايجاز اقرى التفاصيل بس بجد محتاج ارادتك وحماسك وزى ما انتى بتقولى على نفسك انك بتاعت تنفيذ محتاج لنشاطك وتصميمك دا معانا فى الفكره دى
--------------
خالد همس الاحباب
اخويا الكبير محتاج همساتك فى المشروع دا وانا عارف انك مش بتتأخر فى الخير
--------------
فاتيما
محتاج اعلان عندك يا فندم عشان ال 300 مدونه اللى فى السايد بار يعرفوا
-------------
ندى الياسمين
محتاج مجهودك يا صبرنى وانا عارف تواجدك فى التدوين وعارف انك بتحبى الخير
------------
ساره رحيل
وعد الحر دين عليه يا ساره
مستنى مشاركتك زى مشاركاتك بتاعت زمان
قولتى هتعلنى ومش اعلنتى
-----------
اخيرا بس بجد المره دى
مش هاتكلم عن اهميه التبرع ولا انقاذ حياه
لكن هاقول مش صعب يوم كل كام شهر تتبرع فيه بكيس دم
واعتبره ابتسامه فى وجه اخوك المريض
وعلى رأى فاتيما الواحد لما يبص فى استماره التبرع ويجيب ب لالالالا يعرف قد ايه ربنا انعم عليه وقد ايه ربنا معافيه من حاجات كتير
ربنا يديكوا الصحه ويمتعكم بيها وبعمركم
وجازاكم الله كل خير

اخواتى المدونيين والمدونات ازيكم

قاربت ان انهى السنه الرابعه فى عالم التدوين اينعم انا عشت فى الجانب الظليل من هذا العالم اى ان مشاركاتى الفعليه كانت محدوده وعدد اللى يعرفونى بسيط لكن العالم دا اثر فيا تاثير قوى جدا اتعلمت من ناس حاجات كتير كويسه واتعلمت من ناس برضه ايه شكل الحاجات اللى مش كويسه المهم مش عارف باقول الكلام دا ليه بس يمكن البوست اللى نزلته دكتور ستيته ومسارعه اخواتى المدونيين لتأييد الفكره لمس مشاعرى بشكل كبير


هاقولكم على مفاجأه فكره البنك دا فى ذهنى من اكثر من 3 سنوات وظلت حبيسه داخل رأسى اللى ازدحم بحاجات كتير اهمها اكل العيش والبكا على العمر اللى بيعدى على الفاضى


من 10 سنين تقريبا اخدنى واحد صاحبى فرع جمعيه رساله فى القاهره وتحمسنا اوى للفكره كنا لسه شباب فى جامعه وقلنا عاوزيين نعمل فى المنصوره فرع واحنا عندنا الوقت والمجهود وبالفعل انتدبنا شباب من فرع القاهره وبدأنا نبحث عن عدد من الشباب واجتمعنا ورتبنا وسمعنا منهم وكنا فى غايه السعاده لكن بعد ما مشيوا طلع علينا مجموعه من الناس اللى معانا المتشددين شويتين بان دى جماعه ماسونيه وانا مكنتش اعرف يعنى ايه ماسونيه وان تمويلها مشبوه وانها بتدعو الى الاختلاط والخ الخ


وبعد ما فتحنا بقنا لاقينا نفسنا مجبريين اننا نستسلم للأمر الواقع وقرروا انهم يمارسوا نشاط خيرى فردى وكان اعتراضنا انه هيموت بتفرق المجموعه دى وقد كان فعلا بعد سنه اللى سافر واللى اتجوز واللى ربى دقنه وبخخخخخخخخخخ

وبعدها بخمس سنين اتعمل فرع رساله فى المنصوره وبعدها فى كام مركز فى المحافظه لكن للاسف تأخرت الفكره خمس سنين ولم نشارك فيها

معلش انا هارغى شويه بس لان دى فرصه نادره انا فى العاده باقول كلمتين سجع ودمتم وبدل جاتنى الفرصه ارغى بقى

مش حابب اللى حكيت لكم عنه فوق عن رساله يحصل للفكره دى فعشان كده بالله عليكم اللى مش عجباه ميكسرش مجاديفنا المشروع كله عشانا كلنا ولوجه الله سبحانه وتعالى وعشان يبقى التدوين جمعنا على فعل خير ومساعده انسان مريض فلربما نثاب عليه

اولا هاطرح عليكم شويه افكار

1- عاوزيين نشر للموضوع بشكل كبير جدا محتاجيين كل مدون يعرف الموضوع دا لاننا هنكون محتاجيين عدد كبير او معظم المدونيين الموجوديين داخل مصر


2- عاوزيين نكون لجنه اشراف على البنك هتكون عباره عن فرديين من كل محافظه من محافظات مصر يتوفر فيهم بعض الشروط


اولا : ان يكون عضو لجنه الاشراف مستخدم يومى للانترنت ويفضل من يكون يستخدم الانترنت فى عمله حتى تتاح له فرصه الاطلاع على المدونه يوميا او ان لم يكن فيوم ويوم بالتبادل مع زميله الاخر من نفس المحافظه


ثانيا: ان يكون على استعداد اعطائنا رقم هاتفه ويكون من الاشخاص السهل الوصول اليهم عن طريق الهاتف "مش زيي يعنى" لان قد نحتاج الوصول اليه فى اى وقت


3-الموضوع مش محتاج اى ماديات وبالنسبه للموقع هنبدأ بمدونه انا قمت بانشائها فعليا وايميل قمت برضه بانشاءه فعليا وفى المستقبل ان شاء الله انا متكفل بعمل موقع الكترونى للبنك يكون بشكل اكثر احترافيه

4- محتاجيين لجنه الاشراف تكون شباب وشابات وده له اسبابه


5- انا مش هاقدر اكون متابع ولا مشرف بحكم ظروف شغلى بس انا متبرع ان شاء الله بسته اشهر تفرغ تام للمشروع ده بواقع شهر وشهر ولكنى الوقت اللى هاكون فيه متواجد فى اجازه مستعد للسفر كل انحاء الجمهوريه لو حتى السلوم لتنظيم حملات التبرع فى المحافظات بشكل دورى مش عاوزينها تقتصر على القاهره فقط الحمد لله صبرنى يارب عملتها مره فى المنصوره لكنها لم تتكرر لانه كان مجهود فردى منها ربنا يعزها


6- اللى شايف انه يقدر يكون مشرف عن محافظته هيبعت يقولنا عن تطوعه دا واللى مش هيقدر بس عاوز يكون متبرع دائم معانا سواء فى التبرعات الدوريه بتاعت محافظته او فى قاعده بياناتنا لو احتجنا له فى طوارىء هيبعت برضه يحدد الكلام دا


7-بالنسبه للتليفونات والايميلات والمعلومات الشخصيه ان شاء الله هتكون سريه جدا اللى فى ايدى حاليا ان انا اللى استقبلها على الايميل المخصص للمشروع دا لو حد عنده اعتراض على شخصى يتفضل يرشح حد تانى وانا معنديش ادنى مشكله


8-الحمله دى يا جماعه اهميتها اكبر من اهميه اى تجمع او تبرع لانها ان شاء الله هتكون خطوه لبدايه مشروع يوفر دم للمحتاجيين فى كل انحاء مصر ويمكن يستمر بعدى وبعدكم بسنيين عشان كده عاوزيين نعلن عنه بشكل كويس


9- المدونه التى انشأت كنواه لبنك دم المدونيين هى


http://www.bloggersbloodbank.blogspot.com/


الايميل اللى ان شاء الله هنستقبل عليه بياناتكم هو


ourbbb@yahoo.com


ياريت اللى هيبعت ايميل يكون بالشكل الاتى

الاسم:

فصيله الدم:

رقم الهاتف:

الايميل:

المدونه:

المحافظه:

المشاركه: ( مشرف ام متبرع )0


حاجه اخيره يا جماعه انا فصيلتى بيقال انها نادره وباتخيل لو احتجت مره نقل دم هيكون وضعى ايه؟ الناس اللى حواليا هيكون شعهورهم ايه؟ لو جالهم واحد من اخر الدنيا يديهم دمه يجرى فى عروق اخوهم ولا ابوهم ولا اختهم تتخيل لو مكانهم يبقى شعورك ايه هتحس انه ملاك؟ ان ربنا بعته لكم من السما؟ هتحس ان ربنا كتب للمريض النجاه والسبب كان المتبرع ده؟ اكيد هتحس بكل دا مين فينا ميحبش يبقى سبب ربنا لشفاء انسان مين فينا ميحبش يبقى وسيله فى ايد ربنا لانقاذ حياه

منتظر مشاركتكم منتظر حد يقولى انا معاك

ملحوظه:
لفت انتباهى الاخ العزيز شارم لنقطه مهمه

يا جماعه اقروا الكلام بتركيز عشان تفهموا الفكره

لا ان ولا الدكتوره ستيته قلنا ان البنك ده هيكون للمدونيين منهم فيهم بس بالعكس يا جماعه اللى هيستفيد من الدم ده كل حد واى حد وعلى حد قول شارم المسلم او اليهودى والمدون والغير مدون

لكن المقصود مين المتبرعيين؟ مين اللى اقدر اوصل لهم دلوقتى؟ مين اللى فى ايدى وقدام عينى ليل نهار؟

انتم ايوه انتم المدونيين لانى مقدرش انزل الم الناس من الشارع واخد اسماؤهم واعمل لهم قاعده بيانات واذا كان الاسم اتفهم غلط هاشرحه صح

بنك دم المدونيين يعنى بياخد الدم من المدونيين لاى محتاج مش معناه انه لمساعده المدونيين لما يحتاجوا بالعكس احنا هنعمل تبرع دورى فى كل محافظه من ابنائها اما معنى كلمه لما حد يحتاج يعنى لو فيه ظرف طارىء زى اللى حصل لاختنا عاشقه النقاب مع والدتها شافاها الله وعافاه وبارك لهم فى صحتها وعمرها
بالنسبه من المقصود بكلمه بيانات سريه فده معناه ارقام الموبايلات والايميلات لان محدش فينا يحب ان اخته يكون رقمها معروف على صفحه مدونه لان لو انا وانت عندنا اخوات بنات ونفوسنا سليمه فيه ناس كتير تافهه ونفوسها مش سليمه ومينفعش نعاقب حد حابب يعمل خير بانه يتعرض لسخافات اما بالنسبه للفصائل فدى ممكن تكون متاحه من غير اسماء يعنى نقدر نقول ان عندنا 3 اشخاص بى سالب فى الاسكندريه مثلا

رجاء اخير يا جماعه انا والله مش عاوز من ورا الفكره دى اى شىء واللى يحب ينفذها حتى لو بعيد عنى يتفضل فى الاول والاخر هى فكره خطرت على بالى وانا حسيتها كويسه اللى يحب يشارك ياريت يشجعنا ويساعد واللى مش حابب ياريت ما يحاولش يؤثر علينا بالسلب
والله المستعان