إيميل بنك دم المدونيين

اللوجوهات

اللوجوهات
تسلم ايدك يا بسكوتة .. شغل مية مية والله





Followers

Powered by Blogger.

Feedjit

About Me

My Photo
بنك دم المدونيين
View my complete profile

يوم التلات اللى فات كان فيه توقيع كتاب - زوجى مازال حبيبى - لساره درويش اسعدنى الحظ انى احضره الف مبروك لساره وعقبال الكتاب رقم 100

هناك قابلت منونه للمره الثانيه وبعض شباب محافظه الغربيه المتحمسين للفكره بعضهم مدونين والبعض غير مدونين اتناقشنا على عجل فى بعض النقاط مازالت الفكره مبهمه بعض الشىء يمكن لانها مازالت فى طور الانتشار لكن لفت انتباهى اعتراض بعض الناس على الاسم واضطررت لان اشرح المفهوم من الاسم وشرحى لم يلاقى اقتناع

عشان كده انا النهارده محتاج اسألكم انتم شايفيين فعلا ان الاسم ممكن يكون منفر؟

انا عن نفسى عندى اسبابى وقناعتى الشخصيه بالاسم دا ولكن بما ان الفكره فكرتنا كلنا فطبعا لازم تقرروا معايا هل نبقى على نفس الاسم ام يجب تغييره

-------------------------------

فى حاجه مهمه جدا

انا شايف عدد الناس فى الجروب او حتى فى البلوج عدد متزايد بيدل ان الفكره بدأت تنتشر وتتسمع

بس فيه حاجه غريبه جدا

مازال عدد الناس اللى اخدت قرار بالاشتراك كمتبرعيين او حتى كاشراف قليل جدا

ومضطر بقى اقولهم تانى

----------

فتاه من الصعيد - مدونه ملقتلهاش عنوان

د/ ستيته - مدونه مش عارفه بس نفسى اعرف

مدونه يوم جديد

منونه - مدونه واحد شاى

مدونه حكايات بوبو

----------

طيب مش عارف ايه السبب اللى مخلى الناس مش تبعت بياناتها

عموما بكره ان شاء الله هنحط استماره واللى ناوى هيملاها ويبعتها على الميل دا

لو حد عنده مشكله فى انه يبعت البيانات صبرنى تبرعت انها ممكن تتلقى بيانات اخواتنا وبالنسبه لاخواننا فعادى بقى يبعتوا على الايميل الموجود فى السايد بار

---------

شكرا منونه على التعديلات وانت المستشار الفنى فورينا همتك

--------

مدونه مجرد انسان

مدونه رياح الحنين
مدونه من نور

لاحظت ان حضراتكم التلاته من محافظه الاسكندريه

ومتحمسات جدا للفكره

دا شىء جميل ومحسسنى انكم لو اتجمعتوا هنقدر نعمل حاجه فى اسكندريه

فكروا ومنتظر رأيكم

----------

شكرا استاذه حسنا على نشاطك فى جروب الفيس بووك

----------

باعتذر عن اى حد مردتش على الكومنت بتاعه البلوجر بيعند معايا وكل ما اكتب تعليق ميظهروش

---------

شكرا لكل من نشر وشكرا لكل من وضع اعلان للمشروع عنده

---------

شكرا مقدما لكل من لم ينشر بعد وسيقوم بالنشر فى الايام المقبله
----------------
ملحوظه

كل من يريد الانضمام ليصبح ادمن فى المدونه او جروب الفيس بووك فليبدى رغبته فى ذلك

13 comments:

Ramy said...

استاذ محمد

بجد مجهود رائع انا رامى اللى قابلت حضرتك فى توقيع كتاب زوجى مازال حبيبى

يمكن متفتكرنيش انا اللى سبتكم علشان كنت مسافر (:

بجد انا كان نفسى اعمل حاجة ايجابية اكتر من انى اتبرع بس

بس بجد انا مشتت بين تلت مدن مش مستقر فى حتة

انا لسة متبرعتش كمان بس بجد فى اول فرصة هكون اول المتبرعين ان شاء الله

معلش اعذرنى

وربنا يوفقك

بنك دم المدونيين said...

استاذ رامى
طبعا متذكرك يا فندم وكان نفسى اتعرف عليك اكتر واقعد معاك لكن ظروف السفر معلش متعوضه ان شاء الله فى تجمع يكون فى القاهره واجي لكم انا
يا فندم اى حاجه هتعملها هتون ايجابيه والتبرع اكثرهم ايجابيه
وان شاء الله ربنا يكرمك ويجازيك خير على مساعدتك لاى محتاج للدم دا
ربنا يوفقنا جميعا وعاوزينك دايما معانا

داليـ ـ ـ ـ ـ ـ ــــا said...

السلام عليكم

اولا انا اخدت فكره عن الموضوع لكنها مش قويه اوى

اولا انا من الغربيه

شوفوا بس انا ممكن ااقدر اعمل ايه وايه اللى ممكن ااقدر اقدمه وانا تحت امركم

منتظره الرد

Anonymous said...

صباح الخير استاذ محمد

صباح الخير يامنونه

شايفه ان الموضوع ابتدى يسمع الكثير من المدونين والمدونات ودى حاجه تفرح بجد وكويس ونقول فيه امل ان شاء الله ان الفكرهتكبر وتكبر

عندى فكرة بوست وهى نداء لبعض المودنين والمدونات الاسكندرانيه للأنضمام فى بنك الدم

وان شاء الله خير

تحياتى

فاتيما said...

البلوجر بيهييس مع الكل
مش معاك لوحدك يا محمد
فلا تعتذر عن حاجة



و الاستاذة حسنا تبقى
Baskouta
بنوتى حبيبتى و انا بتفشخر بيها دلوقتى اهو
و سامعة انها عاملة شغل حلو ع الفيس بوك
و يا ريت نشوف منه حاجة هنا ف المدونة
عشان المخلوقات الغيرفيسبوكية
من امثالى يبقوا ف الصورة



بالنوسبة للبيانات
انا م العالم التى لم تبعت بياناتها
عشان مش عارفة ايه المطلوب تحديداً
بسكوتة قالتلى انها عملت زى استمارة محددة
يا ريت تتحط هنا ف المدونة على جنب
عشان ندوس عليها و نحملها
و نملاها و نبعتها ع الميل



حاجة كمان
ايه يا فاتيما
ايه يا فطمطم
آه
يا ريت يا منونتى يا قمورتى
لما تعملى القالب الخاص بالمدونة
يكون فيه 2 سايد بار ع الأقل
لو تلاتة يبقى حلو قوى
عشان المدونة لازم يتحط ف شريطها الجانبى حاجات كتيييييييير و شريط جانبى واحد
مش كفاية خالص


ايه تانى ؟؟
آه
لازم و حتما و ضرورى ينحط علم مصر يا عيال
ف المدونة ..انا عاتشيفية خالص
و هعيط اهو

ايه تااااااانى
لأ مش فاكرة
اما افتكر آجى

مساءك زى الورد يا محمد

بنك دم المدونيين said...

داليا
اهلا بيكى وان شاء الله تاخدى فكره قويه
بما انك من الغربيه ياريت تتصلى بمنونه - منى درويش - واحد شاى
وان شاء الله هيكون عندكم فى الغربيه حاجه قريبه
-------------
الحب الجميل
اتمنى فعلا ان تكون الفكره بدأت تسمع
لان حتى الان محدش عاوز يبعت بياناته ويتفضل انه يساندنا كمتبرع
حلوه فكره بوست النداء للاسكندرانيه
هتعمليه عندك ولا نعمله هنا؟
------------
فاتيما
اهلا يا فندم يا منوره المدونه دايما
الاستماره اتعملت وموجوده فى السايد بار بالعربى والانجليزى الاستاذه حسنا ربنا يكرمها الصراحه باطلب منها الحاجه بتتعمل فى ثانيه ربنا يجازيها خير
والعلم من عنيا يا فندم علميين كمان
والسايد بار هنقل الفكره لمنونه بس تظهر هى النهارده بس
معانا دايما يا فندم

كلمات من نور said...

جزاك الله خيرا..........في انتظار معرفة البيانات الخاصة بموضوع الإسكندرية ولا مانع لدي بالطبع

تم ترشيح البوست في منتدى نون والقلم (منتدى المدونيين والمدونات ) وذلك على الرابط التالي :

http://mhg1962.ba7r.org/montada-f13/topic-t1684.htm#8513

يرجى مشاركتنا في المنتدى و التواصل معنا ....خالص ودي

مدير عام المنتدى:

كلمات من نور

علاء المصرى said...

بنك دم المدونيين
موضوعك مهم جدا وأنا أأيدك بشدة
أكمل ونحن ورائك
وأنا فى أنتظارك فى مدونتى

داليـ ـ ـ ـ ـ ـ ــــا said...

السلام عليكم

معلشى انا معرفش مين منى درويش - واحد شاى

فاتيما said...

صباح الخير يا محمد

انا جاية أصبح
واغلس كالعادة



بصوا بقى
يا منوناااااااااااا

ميرسى جدا
ع النيولوك



بس انا عندى كام اقتراح
و عارفة انك ديمقراطية
و هتقبلى الاوقتراحات
ماشى ؟؟
طييييييب

اولاااااااا
-----------
اللون الزتونى دا
مش ميريحنى نفسوياً

خلوه احمر فاتح يا جماعة
أو وردى
اللون الوردى الفاتح حلو
و قريب م الدم شوية
و خلو الشريط الجانبى أبيض
عشان أى حاجة
تتحط فيه تبقى واضحة
و ظاهرة قوى



ثانياااااااا
-------------
حطى شريط جانبى اضافى يا منونتى
عشان فيه حاجات كتيييير
هتتحط فيه
و تبقى ثابتة
و تظهر مستقبلاً
دى لينكات المندوبين
و لينكات الاحداث اللى تمت من تبرعات
و لينكات صديقة زى مراكز تبرع بالدم
و مواقع مشابهة عالميا و محلياً



ثالثااااااا
------------
حطوا ساعة
يا عياااااال



رابعااااااا
------------
ميرسى ع العلم
حاجة حلوة بتقول
ان الموقع دا مصرى
و ابويا مصرى
ههههه



خامسااااا
---------
انا مليت الأستمارة
و بعتتها خلاويص
و ميرسى لبسكوتة عليها


سادساااااا
----------

بحبك يا منونتى يا قمورتى


سابعااااااا
----------

و جزاك الله خيراااااااا
يا محمد
و جعله ف ميزان حسناتك
اضعاف مضاعفة
يا رب




ثامنااااااا
-----------
فيه لقاء تدوينى مقترح
تعالوا عندى
ف الشريط الجانيى
و شوفوا ظروفكم ايه؟



تاسعاااااا
----------
العواف عليكم بقى
لحسن انا رغاية قوى جدا خالص

فاتيما said...

آه
عاشراااااا
----------

برافو عليكى يا منونة
عشان خليتى التعليقات بفونت أكبر
انتى شطوووووووورة خالث


حادى عشر
--------

حطولنا اللوجو يا جماعة
عشان أى حد عاوز يعمل رابط من عنده عليكم ...ينقل الصورة المقترحة
و ممكن تحطوا اكتر من شكل
عشان كل واحد يختار اللى يعجبه و لايق على ذوقه و مدونته
انا سخصياً عاجبنى قطرة الدم اللى مع البوست دا و حطيتها
ممكن حد يختار القديمة اللى لونها بنى و فيه لون احمر ..و هكذا

كفاية بقى لحسن بقيت غلسة بجد
سلاااااام

فاتيما said...

http://flash-clocks.com/index.html

mostafa raafat said...

السلام عليكم
احاول انشاء مجلة اليكترونية على الانترنت متخصصة فى المجتمع المدنى
و بالطبع يهمنى اشتراك كل مهتم بالعمل الاهلى و بتنميته فى تحرير موضوعات المجلة ,و بالتالى اقوم بدعوة كل مدون اجده مهتم بالعمل الاهلى بالاشتراك فى انشاء تلك المجلة

فمثلا قسم لاخبار الجمعيات الاهلية يكتبه متطوعين فى تلك الجمعيات و قسم مقالات تحدد اهم ايجابيات و سلبيات العمل المدنى المصرى و العربى الخ
لكى تصدر المجلة بشكل اسبوعى او شهرى حسب اتفاق المشاركين
سيتم التواصل بين المشاركين فى منتدى فرعى بالموقع خاص بهم ,

و تختص المجلة بتكنولوجيا المعلومات اجمالا و المصادر المفتوحة خاصة ,
و العمل الحر

ملاحظة
حاليا يتم توجيه زوار الموقع للمنتدى و طبعا اذا تم انشاء المجلة ستكون هى واجهة الموقع بتوجيه الزوار لها
لرؤية المجلة اذهب الى الرابط
www.sinapolis.org/mag

و أخيرا ملاحظة بمشروعكم
كل الصور الدعائية الخاصة بالتبرع بالدم بالانجليزية فقط , و يفضل طبعا استخدام العربية و الانجليزية

شكرا لك
لاى استفسار
webmaster at sinapolis dot org