إيميل بنك دم المدونيين

اللوجوهات

اللوجوهات
تسلم ايدك يا بسكوتة .. شغل مية مية والله





Followers

Powered by Blogger.

Feedjit

About Me

My Photo
بنك دم المدونيين
View my complete profile

صراحه يا جماعه محتاجيين نتناقش مع بعض لسببين
أولا
المشروع دا لو تم بإذن الله هيكون بتاعنا كلنا فلذلك عشان كده نبقى كلنا مطالبيين بطرح أفكار ومناقشتها مع بعض
ثانيا
صراحه يا جماعه أنا إتلخبطت أوى امبارح كمان انا مسافر الشغل يوم 24 اللى جاى والوقت بيمر وعاوزيين نتحرك شويه عشان نكمل خلال الشهر اللى هاكون فيه هناك ربنا يكرم واقدر نتواصل مع بعض لكن برضه المجموعه اللى اتبرعت انهن يكن فى الاشراف عليكوا الاستحمال بقى
فيه كام فكره تم طرحهم امبارح فى كومنتات على اخر بوست عاوز نتناقش فيهم
ندى الياسمين
جمعيه رساله عامله عندها حاجه زي كده اسامي ناس عندها متقيدين مستعدين للتبرع والحكايه ماشيه حلو اوي
مفهمتش المقصود من الاقتراح يا ندى الياسمين
رساله انا اعرف نشاطهم من زمان ولهم ويب سايت واكيد هما سابقيين فى الفكره هل المقصود نشتغل من خلالهم؟
ولا ندرس تجربتهم ونستفيد منها؟ وضحى لنا أكتر وانا سهل جدا انى اروح واسمع منهم بس نحدد احنا محتاجيين رساله فى ايه
لانى اكتشفت حد تانى منفذ الفكره بتاعتنا بشكل كامل ودا اللى هيجى تباعا فى الافكار اللى هاطرحها
---------------------------------
دكتوره ستيته
قمت بانشاء جروب على الفيس بووك بنفس اسم المدونه (هوا انتى على الفيس بووك يا دكتور؟) سؤال بره المنهج
ربنا يستر من الفيس بووك لانى باقلق منه صراحه
بالنسبه يا دكتور لفكره منونه احنا عاوزيين نعمل تبرع فى طنطا وانا طرحت الفكره على منونه وهى تحمست ربنا يكرمها واعتقد لو قدرنا نعمله دلوقتى حتى لو بخمس افراد طنطاويه تبقى حاجه كويسه جدا مع بدايه المشروع
لو حد احتاج دم هل اقدر اواعده في المصل واللقاح أتبرع وهم يعملوا له التحاليل وياخد الكيس من غير ما يدفع فلوس؟
هاحاول اوجد اجابه للسؤال دا يا دكتور
كل مدينة عاوزين نعرف فيها مكان نضيف للمتبرع ده أولا
دى ان شاء الله بسيطه نحددها ومتنسيش حضرتك ان ان شاء الله هنحاول اننا نعمل تبرع فى كل محافظه وهنشرف ونغطى التبراعات دى ونتأكد ان مكان التبرع كويس
-------------------------
جيجى
ده جروب على الفيس بوك اسمه بنك الدم الخيري عمله شباب فى المنصوره والحمد لله المسؤلين عنه عاملين شغل كويس بفضل الله بس لسه عايزين اكتر والاهم عايزين فى كل مكان فى الجمهوريه ويمكن عندنا فى المنصوره اسهل شويه من القاهره
http://www.facebook.com/photo.php?pid=31299691&id=1472063047#!/group.php?gid=67417165678&ref=ts
صراحه جيجى ارسلت لى لينك جروب على الفيس بووك هى نفس الفكره بالظبط وبسم الله ما شاء الله عد مشتركينها فوق 2000 هوا نشاطها الاساسى فى المنصوره بس صراحه اللينك دا لخبطنى جدا لانها نفس الفكره وقعدت افكر فى ايه هو الفرق بينا او ايه هوا الجديد اللى هنقدمه
السؤال دا انا لاقيت له اجابه بس احب اعرف اجابتكم عنه الاول
جيجى كمان قالت
الكيس مبدئيا تمنه الرسمى 45 حنيه ولازم تحيب واحد يتبرع وياتلاقى الفصيله ياماتلاقيش وحتى اذا لاقيت مش بيدولك الكميه كلهابيتباع بقى بره بكاااااااااااام230 جنيه وفى مستشفى من المستشفيات بتاعت الاعلانات ب كااااااااااااااااااااااااااااااااااااااااام ب375 جنيه
جيجى محتاج توضيح عن نقطه ال 45 جنيه دى
ملحوظه يا جيجى
اللى عنده انيميا مينفعش يتبرع طبعا بس لو حابه نسأل طبيب نسأل
اللينك دا مفتحش معايا يا جيجى معرفش فتح معاكى ولا لأ
اخيرا
مستنى اعرف انتوا شايفيين فى البنك بتاعنا ايه جديد
ولو مكمليين معايا المشوار
محتاج افكاركم محتاج مجهودكم محتاج شدتنا ايدين بعض
يمكن هناخد وقت شويه فى البدايه بس انا مش قلقان وصابر وعاوزكم صابرين وعلى رأى دكتور ستيته معاكم لحد شلاتين
تحياتى

15 comments:

Mahmoud Ahmed said...

بص هو فكره اننا نعمل بنك فكره مميزه
بس هو الموضوع ان البنك هيمشي ازاي ؟
بمعني ان بالطريقه دي هيبقي البنك مقتصر على المدونين فقط لا غير
لأن محدش هيبقي عارف الموضوع ده غير الناس الى على النت بس او بمعني اصح الناس الى عندها مدونات فقط

فاحنا هنمشي النظام ازاي؟؟

وا نا معاكم في اي حاجه ان شاء الله تعالي

..............

ياريت لو تشيل حروف التأكيد دي :(

بنك دم المدونيين said...

سبايدر مان
انا عارف انك متابع الموضوع من الاول بس مستغرب شويه مازالت فكره ان الموضوع دا للمدونيين فقط لسه مسيطره على الناس
بص اعمل سيرش على بنك الدم بالعربى او الانجليزى هتلاقى اكتر من موقع عربى وهتلاقى انه بيخدم ناس كتير
فكره انه يخرج من التدوين انه يبقى نواه لموقع مستقبلى ينتشر بين الناس بكل طرق الاعلان
بس اللى اكيد ان حتى فكره النواه دى مش مخصصه لخدمه المدونيين فقط
--------------
انا بعت لك دعوه تانى لانى عرفت انك مواظب على التبرع
وكل اللى عاوز اقوله لك
من محافظتك لو تجمع معاك اربعه كل مره وانت رايح تتبرع يتبرعوا معاك يبقى كدا حققنا فكره التبرع الدورى فى كل المحافظات
ودا دور اساسى للمشروع دا زى ما حمله خيخه مستمره من سنتين ليه متتعممش
وخيخه حملتها بتتبرع فى المصل واللقاح يعنى مش لمدونيين زى ما انت بتعمل فليه ميبقاش معاك النهارده تلاته اربعه بكره يبقوا مية من مدينتك
-------------
ايه حروف التأكيد مش واخد بالى؟

أنا - الريس said...

بعد السلام والتحية
الحملة كويسة .. المشكلة اني في جمعيات وناس كتير بيقوموا بنفس الحملة بطرق مختلفة ، كويس انها يتحدد لها ملامح .
أنا عندي اقتراح أولا يتم تقسيم مصر لمناطق يعني مثلا ان من قرية جنب المنصورة مش هينفع ارجو الشرقية او القاهرة دا أولا
ثانيا
ممكن نسمي الحملة مدونون تحت الطلب أو تكون الفكرة في كدا لأن مفيش ثقة لأماكن التبرع حتي لو حكومية وتبقي برضوا منها المجانية .
يعني مثلا فلان من المنصورة ولدته تعبت يتصل بالقائمين علي الحملة والقائمين يشوفوا الأسماء اللي عندهم بالفصائل وعايزه تتبرع واخر وقت التبرع ويتصلوا هما بالناس ويقولوا احنا عايزين 5 متبرعين فلان وفلان وفلان وينسقوا مع بعض في وقت التبرع ... منها تكون مجانية 100 % ومنها برضوا ان ممكن يتم عمل صندوق للتبرعات للحملة لغير القادرين .. هيا الفكرة مش سهلة ..
بس إن شاء تنجح ناجح محترم ومنقطع النظير ..
وبالتوفيق وبادرة لحسن النيا هحط شعار الحملة ولو عرفت اوصله بالمدونة هوصله .. وان شاء الله الحملة تقوم .بالتوفيق مرة تانية ,, وربنا يجعلها في ميزان حسانتكم

أنا - الريس said...

ياريت تشيل كلمة التأكيد .. من الصفحة الرئيسية .. اعدادات .. تعليقات .. حط قدام إظهار التحقق من الكلمات للتعليقات؟
.. لا

والحملة تكون لجميع الناس بس يكون في معلومات عنهم .. وتحياتي .. في أمان الله

بنك دم المدونيين said...

MR.PRESIDENT
كلامك قريب جدا من اللى قلناه فى اول وتانى بوست يا فندم
وهوا دا فعلا اللى نفسنا فيه
حلوه فكره صندوق التبرعات برضه فكره جميله
--------------
شلت كلمه التاكيد نأسف مكنتش واخد بالى

همس الاحباب said...

اخى الكريم
جزاك الله خيرا
الفكرة رائعة جدا
ولكن تحتاج الى صبر ومجهود لان كل شىء صعب فى اوله
انا معك قالبا وقالبا
لانجاح الفكرة وظهورها الى لنور
ومتخافش هناك بقايا رجال من مخلفات الحرب
بس ظروف العمل ليس اكثر
بداية المشاركة
http://hams07.blogspot.com/2010/07/blog-post_04.html

Anonymous said...

ببساطه تمن كيس الدم الرسمى ب45 جنيه لكن علشان قليل فى بقه سوق سودا بيوصل ل375


موضوع ايه الفرق بين الاتنين
هو مش فرق هو بس دى حاجه فى المنصوره لكن اللى حضرتك هتعمله هيبقى نشر للموضوع على مستوى الجنهوريه وده الاهم
ان كل واحد يعمل بقه قريب منه حتى علشان لما حد يحتاج دم
لان ماينفعش واحد مسجل فى جمعيه فى القاهره وهو من سوهاج هنجيبه ازاى اذا احتجنا

جيجي والعالم

Anonymous said...

على فكره اللينك بيفتح

Hanan Elshafey said...

عجبتني الفكره وقررت اشارك معاكم
الاستاذ خالد هو اللي شفت البوست عنده وال فيه يبقي في مندوب لكل محافظه انا مستعده ابقي مندوبة محافظتي
بالننسبه لخطة العمل هتمشي ازاي ؟؟؟
الموضوع ممكن يمشي زي مابيحصل بين الجيران في حتتنا كده
حد بيحتاج دم الناس بتسال بعض اللي عنده او هينفع بيروح يتبرع
يعني المدونين يكونو همزة الوصل دعاية واعلان وتسويق واشراف بحيث الموضوع يتحكم بناس عارفين انها محتاجه فعلا عشان ميبقاش سوق سودا المدونين :)
اكاياس الدم اسعارها بتختلف خلاص
والدتي لما كانت بتعمل عمليه من 4 شهور جبناه من مكان ب 200 جنيه ومن مكان تاني ب 500 جنيه
وفي اكتر للفصائل النادرة
باذن الله انا معاكم وان شاء الله هتابع النقاش

Kiara said...

طيب بصوا انا شغلي في بنك الدم اساسا فشوفوا اقدر اساعد بايه في الفكرة دي وانا معاكو

مهموهة أحمد said...

بجد بجد بجد بجد رسالة جميلة اوي
انا سعيدة اوي بفكرة المدونة

ماشاء الله عليك

ربنا يكرمك ويوفقك في رسالتك دي

واحنا كلنا معاك
وربنا يشفي جميع مرضى المسلمين والمسلمات

خالص تحياتي وتقديري

افروديت said...

سؤال/ الدم ده هيروح فين ولمين وبس؟ هل من رد

ستيتة said...

السلام عليكم يا باشمهندس
لأ انا مليش في الفيس بوك
اقصى شيء اعمله فيه اني احط كومنت
حتى لغته مليش فيها
انا بعلق على كلام منونة إنها ها تعمل أكونت وانا بس بقترح على أهمية تحديد الأهداف والطريقة الأول

معلش انشلغت اليوم كله وأتأخرت في الرد

بس انا مع ندى الياسمين
لو في كل حارة فيكي يا مصر نفس المشروع بحذافيره يبقى شرف كبير ونضج في وعي البشرية

تحياتي

رحــــيـل said...

وكمان ياريت حد يصمملنا بانر خاص
ببنك دم المدونين عشان يكون فى السايت بار فى مدونتنا ويكون ع الفيس بوك يكون خاص بينا مش متداول يعنى
اروح بقى انزل البوست

بنك دم المدونيين said...

كيارا
ازاى اقدر اوصلك؟
profile not available
-----------
افروديت
يا فندم كل المعلومات فى البوستات اللى فاتت
واى استفسار انا تحت الامر
----------
مهموهه
طيب فين؟
لسه مشفتش حاجه عندك
---------
حنان الشافعى
ياريت يا حنان
فعلا محتاجيين مندوب فى اسكندريه