إيميل بنك دم المدونيين

اللوجوهات

اللوجوهات
تسلم ايدك يا بسكوتة .. شغل مية مية والله

Followers

Powered by Blogger.

Feedjit


احبائى كيف الحال

هوا احنا تنصنيفنا ايه يعنى فيه حاجه بتربطنا ولا كل واحد مع نفسه؟

طيب لو بينا ترابط هل له ترجمه؟

مش شايف ان المدونيين لو يتجمعوا على شىء يبقى فيه عيب؟

انا باشوف التدوين مجتمع والمجتمع دا مكون منى ومنك انت معتبر نفسك مدون وانا معتبر نفسى مدون

مش شايفين اننا المفروض نجتمع على حاجات زى ما بنختلف على حاجات على مشروع على فكره على رأى

الفكره مش فكرتى دى فكرتكم

والمشروع مش مشروعى دا مشروعكم

يمكن يبدأ صغير محدش يعرف ممكن فى يوم يبقى بنك كبير يخدم عدد لا نتخيله

انا مقصر جدا فى عمل الخير بس عاوز اقول انى فعلا عشان تحس انك عايش انك ليك قيمه فى الحياه انك انسان اعمل خير ساعد حد هتحس بسعاده خفيه ملهاش وصف

الفكره دى لو كتب لها النجاح هيبقى نجاح لمجتمعنا الصغير اللى بانتمى ليه وباحبه ومقدرتش انى اعتزله اكتر من مره

تجمعنا لوحده على شىء واحساسنا اننا مع بعض على هدف واحد دا له معانى كتير

معلش كلامى مش مرتب بس هى فضفضه مع اخواتى

كام ملحوظه

اولا باشكر كل اللى نشر اللى قدرت اوصلهم وشوفت نشرهم

خالد همس الاحباب

فتاه من الصعيد

ندى الياسمين

ساره رحيل

ومستنى من كل مدون بوست صغير لو مؤمن بالفكره

-----------------------

ياريت يا جماعه كل واحد يبدأ يتعامل مع الفكره على انها فكرته لا فكرتى ولا فكره غيرى يعنى يتكلم عن البنك من منطلق انه بنكنا احنا

محدش يقولى دا بنك المدونيين بس والكلام دا الفكره انا شرحتها كتير هوا كلمه مدونيين بس يعنى هيخرج من قلوبنا احنا لحد ما يكبر واللى هيستفيد منه من اول ما نشتغل هيكون كل الناس واى حد

----------------------

ياريت نقرا اول اربع بوستات وبلاش نقرأ من اخر بوست

لان فيه ناس لسه بتسأل الدم منين لفين

هتلاقوا جواب الاسئله دى

هتاخد منكم عشر دقايق بإذن الله

---------------------

مين هينظم عنده تبرع فى محافظته خلال التلت شهور اللى جايين

بدأنا بمنونه درويش عاوزيين نشجعها ونعرض عليها المساعده

كله اللى محتاجينه ان شالله خمس اشخاص من طنطا

مستنيين حد من محافظه تانيه يقول ها انا ذا

شباب المنصوره مش ناويين ولا ايه؟

--------------------

اخواتى طلب صغير واسف على الطلب دا بس ياريت

اعتقد المدونه بقت موجوده والايميل والجروب على الفيس بووك

مش لازم دلوقتى ذكر اسمى ولا مدونتى

وخلى مدونه بنك دم المدونيين قائمه بنفسها

-------------------

دعوه الى اى حد عاوز ينزل بوستات هنا على المدونه دى يتصل بيا على ايميل البنك

ourbbb@yahoo.com

-------------------

هاقولكم على سر

انا مش باعرف اعمل اى حاجه فى المدونات يعنى التطويرات الحديثه

اللينكات والعدادات والحاجات الظريفه دى انا للاسف قديم جداااااااااا
حد ناوى يساعد فى الموضوع دا ؟
------------------

محتاجيين حد يعمل لنا بانر ياريت حد يهتم بالموضوع دا

------------------

فيه أسئله كتير

هنشتغل ازاى وهيبقى ازاى

ندى الياسمين شرحت الفكره زى ما احنا شايفينها حاليا

الفكره بتاعتك فكر فيها وقول رأيك اعمل معانا

يمكن انزل بوست بس مش دلوقتى يكون مفصل اكتر

------------------

حاليا هنشتغل على برنامج لقاعده البيانات

والموقع ان شاء الله يمكن ياخد وقت شويه بس ربنا يكرمنا والوقت ميكونش طويل

8 comments:

MR.PRESIDENT said...

بعد السلام والتحية جاري متابعة البوستات القديمة .
ثانيا العداد
أما عن العداد فقدامك 3 طرق أفضلهم الأولي لسبب انهما مش بتعمل اعلان لم حد يخش عندك ..

1- http://flagcounter.com/
اختار اما كم علم عايز تحطه في الصف والعمود
1-1 اضغط get free counter
1- 2 هتلاقي علامة البلوجر اضغط عليها
1- 3 اكتب لينك المدونة واسمك والباسورد عشان يتأكد ان دي مدونتك ثم خد اللينك اللي تحت كلمة Code for websites:
وحطه في المدونة طب هتحطه ازاي
خش علي الصفحة الرئيسية ثم تصميم هتلاقي كلمة "إضافة أداه "
ثم ضيف الكود في صفحة " تهيئة HTML/JavaScript " بعد الضغط علي تهيئة HTML/JavaScript .


الطريقة الثانية
2- http://histats.com/ هتمشي معايا واحدة واحدة يعني اول صفحة هيطلب اسم المدونة واختار اللغة انجليزي

ثاني حاجة امشي الخطوات واحدة واحدة

الطريقة الثالثة بتعمل اعلانات عشان كده مش بفضلها

موقع
http://www.widgeo.net/

بتختار الشكل أولا
الصفحة اللي هتظهر بعض البيانات زي وقت المنطقة ..
محتوي المدونة .. وسؤال هل تحتوي علي محتوي للبالغين .. ثم عايز تبدأ العداد من عند كام والميل واسم المدونة وعنوانها والكود اللي هيظهر هتحطه برضوا زي اللاثنين اللي فوق
الصفحة الرئيسية - التصميم - اضافة اداه - تهيئة HTML/JavaScript

يفضل عمل صورة للربط بمدونة بنك الدم ، وهيا سهلة أيضا
الصفحة الرئيسية - التصميم - اضافة اداه - صورة - اختار الصورة - وضع رابط المدونة فوق يفضل انها تكون اعلي الصفحة في الجانب .

همس الاحباب said...

بالنسبة للتصميم والاضافات والعدادات هبعتلك لينكات تعليمية للمدونات وممكن اساعدك فى بعض الامور ان شاء الله
المهم ان تفعيل الفكرة يبدا باكبر عدد من المدونات المؤمنة بالفكرة من خلال نشر الفكرة
طبعا فى القاهرة الموضوع جاهز ومفعل عن طريق الحملة الخيخية وان شاء الله هنحاول تفعيل الفكرة بطريقة اخرى فى الفترة القادمة عن طريق تبرع الاقارب والجيران والاصدقاء فى اماكن اخرى كل حسب منطقته واحتياجات المستشفيات القريبة منه
بالنسبة لباقى المحافظات هنبدا بالمعارف من المدونين والمدونات لنشر الفكرة واتخاذ اولى الخطوات لاختيار مكان امن ومناسب للتبرع وما فيش مانع من تدعيمهم بالخبرة ورفع معنوياتهم
الموضوع يحتاج منا مجهود فى بدايته وصبر لان عمل الخير يحتاج تضحية وايثار وعزيمة صلبة وارادة من حديد
والله الموفق للخير دائما
تحياتى

мαησηα said...
This comment has been removed by a blog administrator.
мαησηα said...
This comment has been removed by a blog administrator.
رحــــيـل said...

هو لازم نشتغل على مستوى المحافظة؟

اممممم اعتقد انى مبدأيا هبدأ فى المنزلة وضواحيها والبلاد القريبة لينا
انا هبتدى بنشر الفكرة على ارض الوواقع حواليا
فين لينك الجروب؟.؟؟؟

Baskouta said...

Hi
An Excellent idea
Good for you
May Allah bless you.

Here is my post about your idea
I hope it makes some difference.

Wish you all the very best.

Regards,

http://pinkysequins.blogspot.com/2010/07/i-am-blogger-i-am-blood-donor.html

بنك دم المدونيين said...

Mr president
شكرا جزيلا يا فندم
وفى القريب العاجل
-------------
استاذ خالد
صحيح يا استاذ خالد ودا اللى بنحاول نعمله ومستنينه انت يا فندم بقى مؤثر فى الكثيرين وناس كتير متابعاك نفسك معانا يا كبير
---------------
ساره
والله يا ساره اكيد على مستوى المحافظه
وياريت تبدأى فورا
لان سعادتك المفروض مرشحه محافظه الدقليه فى المشروع دا
مستنى منك جديد
وفكرى فى تبرع دقهلاوى على بعد العيد مباشره
وانا هاكون معاكى ان شاء الله لانى هابقى موجود فى العيد
-------------
بسكوته
متشكر جدا يا فندم على مبارتك الطيبه
البوست اكثر من رائع
وربنا يجازيكى خير
وخليكى معانا دايما

بيطرية ومش بايدى said...

السلام عليكم
بجد الفكرة جميلة جدا وان شاء الله تتنفذ زى مااحنا بنتمنى واحسن كمان
انا فى الاول ممكن اساعد كمتبرعة وانا هانشر الفكرة اكيد بس انا خايفة من حتة المشرفة دى خايفة اقصر فيها بس ممكن لو عرفت ايه اللى هيكون المطلوب منى واقدر اعمله اكيد مش هتاخر
وانا عن نفسى هنا فى الحى بتاعى هانشر الفكرة وهابلغ كمان عندى فى الكلية وربنا يقدم اللى فيه الخير

ان شاء الله هتتحقق وتستمر