إيميل بنك دم المدونيين

اللوجوهات

اللوجوهات
تسلم ايدك يا بسكوتة .. شغل مية مية والله

Followers

Powered by Blogger.

Feedjit


سعيد جدا النهارده لسببين
الاول
منونه درويش
اللى جاى دا كومنت من منونه البلوجر كان مغلس ومش عاوزها تنشره بعدين نشره تلت مرات وانا مسحته عشان اخليه فى البوست لانه مهم جدا
اقول حاجه قبل الكومنت - شكرا على ايجابيتك يا منونه - وانا قلتها لك كلمه عابره "ايه رأيك فى تبرع عندكم فى الغربيه" لكن الحمد لله الانسان بيبان من اول وهله وظنى فيكى فى محله
الكومنت
---------------------

سالخييييييييير

اسفة ع التاخير بس والله غصب عنى النور كل شوية يقطع

مش مخلينى عارفة اعمل او اتابع اى حاجة ع النت

اولا جاية ابشرك انى بالفعل اتكلمت مع كذا ممرضة

وبدور فعلا ع مكان نضيف للتبرع لانى انا مش عايزة حد

يتأذى من التبرع

الرد هيوصلنى منهن ع يوم الخميس

باذن الله ع الاسبوع الجاى لو ربنا اراد هاكون نزلت

الاماكن وعاينت واشوف انضفهم وأأمنهم

ده بخصوص طنطا ومحافظة الغربية

هانزل بوست حاضر حالا باذن الله

تظبيط المدونة عليا انا ونشرها كمان تمام

بس ابعتلى اضافة كادمن ع المدونة

انا مع استاذ خااالد انا فعلا فعلا اول مرة اعمل

حاجة زى دى وفعلا قلقانة من موضوع الامان والاماكن

وحاجات كتير فياريت زوى الخبرة يحكوا تفاصيل او

الخطوات اللى بدأو بيها الموضوع

كمان انا شكاكة اوى وهابقى محتاجة اعرف ازاى اعرف

ان الناس اللى هاروح اتبرع عندهم مش هيبيعوا الدم

ده ف السوق السودا والحاجات دى فاهمنى يا جماعة :(
------------------------------------

ايه رأيكم؟

أنا بالنسبه لى مش لاقى تعليق بس روح منونه دى خلتنى أخد عهد على نفسى إنى مكمل للاخر واعتقد انتوا كمان عندكم نفس الاحساس

حاضر يا منونه هنجيب لك اجابات على كل اسئلتك ومتشكر جدا لانك وعدتى وبتنفذى وربنا يجازيكى الخير

-----------------------------------

حاجه تانيه فرحتنى

الناس بدأت تنشر حتى ناس كتير مكنتش قرت الموضوع مباشره عندى ولا يعرفونى شخصيا

فرحت أوى بيهم

قلم رصاص

جاره القمر

ليس فقيرا من يحب

ولد تحت الصفر

بسكوته

فاتيما

شكرا لكل الناس اللى نشرت

شكر خاص لبسكوته اللى اكتشفت انها بقالها فتره لم تدون لكن البوست بتاعها قوى جدا وفعلا رساله جميله جدا باللغه الانجليزيه هاحتفظ بيها يا فندم

كمان الصوره جميله وأستأذنك اخدها

فاتيما

بوست فاتيما يلمس المشاعر جدا وكنت مستنيها تكتبه من يوم تبرع خيخه لان فكرته كانت وليده اللحظه يوم التبرع وتوقعت انه يكون جميل زى ما طلع شكرا يا فاتيما

--------------------

فيه حد شوفت له تعليق عندى وعند ناس تانيين

بيقول بس لو الدم دا فيه ايدز نعمل ايه

صراحه مفهمتش السؤال عشان اجاوب

-------------------

مستنى على الايميل مساهامتكم وبياناتكم لاعداد قاعدده البيانات

مستنى الناس تستمر فى نشر الفكره واللى مكتبش ياريت يكتب

مستنى حد يكون عنده الاستعداد للاشراف ومتابعه المدونه والمشروع

------------------

الاخت حنان الشافعى

يا فندم دا انا بادور عليكى من زمان

سعيد جدا بمبادرتك وهنتواصل قريب ياريت على الميل

-----------------------

كيارا
ياريت نقدر نتواصل معاكى فعلا هنحتاج مساعدتك
مدونتك مش قادر اوصلها
ياريت لو حد يعرفها يوصل لها الرساله دى
-------------------
جزاكم الله خيرا

ورزقكم الصحه والعافيه

24 comments:

ندى الياسمين said...

ازيك يا محمد

اوك يا عم ماشيه معاك فل اهي

ومنونه خدي تليفوني من ريم وكلمينى عايزه اقولك كلمتين على موضوع التبرع انتى عارفه ان انا ليا سوابق
وكيارا مش عارفه انت عايز تقولها ايه يا محمد
بس ابقى قولي على الميل وانا هاتصلك بيها

فاتيما said...

صباح الخير يا محمد

اولا انا بعتذر لأنى إتاخرت ف كتابة بوست عن الفكرة
و الله كان ف بالى من يوميها بس ظروف ملخبطة كدا منعتنى .. معلشى

ثانياً
انا حاسة ان البوست بتاعى اقل مما يجب
بس اللى مخليله قيمة
البوستات الصديقة
و فعلا بوست بسكوتة اكتر من رائع خصوصا انه بالإنجليزى و على درجة كبيرة من التمكن و التميز و حاجة تشرف (بنتى يا ناااس اتفشخر براحتىىىىىى) و بجد بوست خالد كمان فيه حاجات كتير مشجعة
يا رب الفكرة تنتشر و تكبر و البركة ف ربنا و ف خيخة و فيك يا محمد ...و ف كل قلب هيشارك ان شاء الله

منونا جدعة من يومها
و قدها و قدود

اما حنان اشافعى فدى يا بنى ملاك يمشى على الأرض

و انا متوقعة ان المجموعة اللى انا اعرفها هيا اللى هتشارك بقلب فى كل محافظة والأسماء هتكون معروفة لينا كلنا و بالتالى هيكون فيه ثقة رهيبة فيهم و هنمشى وراهم مغمضين زى ما مشينا ورا خيخة من اول ما إبتدت ....ربنا يوفقك و يكرمك
و يلا شد حيلك
عاوزين الشريط الجانبى يتملى ب اسماء المندوبين من كل محافظة
و عاوزين البينانت اللى قولتلك عليها
و هدورلك على تمبليت تانى حلو كدا يميز المدونة عن اى شكل لأن الشكل دا منتشر قوى
او ممكن منونا تفيدنا ف ذلك دى الفنانة بتاعتنا

المهم لا تقلق و احنا معاك

كل ما هفتكر حاجة هجيلك ارغى

كلمة اخيرة


انتا فخر لينا يا محمد
و ربنا يجعله ف ميزان حسناتك ان شاء الله
و خلى باااااااالك

دى بركة دعوات الحاجة
ربنا يكرمها فيك اكتر و اكتر


خالص ودى
يا فندم

فاتيما said...
This comment has been removed by the author.
فاتيما said...

آه كمان قبل ما انسى

عاوزين لوجو فاتح شوية و مشجع
لحسن اللوجو الموجود غامق قوى
و مقبض حبتين
من وجهة نظرى الغلبانة يعنى
و مع شديد احترامى للى عمله اكيد
بس حاسة ان الحملة دى هتكبر و تبقى مشروع على واسع
فعاوزين لوجو اكثر تميزا
يعنى حطها ف الخطة
و انتا عارف الحريم غاويين تفاصيل غريبة
بس بتنفع ع المدى البعيد برضو ..ماشى
عاوزين حاجة دمها خفيف
:)

يلا سلام
و لما افتكر حاجة تانى هرجع

ستيتة حسب الله الحمش said...

صباح الخير يا باشمهندس
انا كمان فرحانة
بتندع أهي
الصورة اللي فوق دي جميلة جدا
تسلم ايد بسكوتة
وتسلم دماغ منونة
وهي قد المدونة وقدود

القصة حسب ما انا فهمت بتاعة الإيدز إن إفرض حد كان سايب قاعدة بيانات
وتم طلبه فجأة لحالة طارئة
وكان الراجل الدونار ده شخصيا مريض بمرض معدي وها يعدي اللي ها ينقل له دم

انا توقعي ان مفيش مستشفى على وجه الأرض بتاخد الدم وكأنه لبن طازة حليب يا قشطة وتحقنه في حد تاني
مهما كانت لازم بتعمل له تحاليل

وانا علشان كده بقول ضمان وأمان للدونار برضه نشوف انضف الأماكن وهل تسمح في الحالات الطارئة إننا نتبرع عندهم وهم يأمنوا الدم ويدوه للمحتاج دون لف ودوران
يعني مثلا فرضنا حد عاوز بشكل عاجل كيسين بي موجب وعرفنا نجيبهم من الناس
هل المحتاج ياخدهم ولا يقولوا لهه لأ تاخد واحد بس رغم إنه هو اللي جايب المتبرعين

ربنا يكملها بالستر ان شاء الله

تحياتي

ويكا said...

محمد
سلام عليكم
ازيك
انا قريت التعليق اللى انت سيبته من فتره قريبه وفعلا جيت هنا وعرفت الفكره ، جزاك الله كل خير عنها.
وانا بعتذر عن تأخرى فى التواصل معاك
بس عموماً
انا حطيت شعار الحمله عندى النهارده فى المدونه .
ده حاجه بسيطه ومؤقته بس لغاية ما اتواصل معاك قريب ان شاء الله ، لانى اعرف ناس كانوا عملوا الموضوع ده بطريقه مبسطه فى اسكندريه من كام سنه ، وكانوا عاملين فكره تجنن والله .

ان شاء الله هحكيلك عنها ، وعلى ما قد انها بسيطه الا انها هتبقى جمييييله جدا وهتسهل حاجات كتيره اوى.

عموما انا بس مشغول شويه اليومين دول ، وان شاء الله هتواصل معاك تانى فى القريب العاجل ، لانى بحب ابقى عضو فاعل مش متفرج ولا مشجع ، فبالتالى عايز لما ابدأ المشاركه ابدا بجد


شكراً ليك

وربنا يوفقك

الحب الجميل said...

السلام عليكم ورحمة الله وبركاته

ياجماعه انا من اسكندريه لو محتاجين اى حاجه او مساعده بلغونى
لو اقدر اعمل اى شىء

تحياتى ليكم ولمجهوداتكم العظيمه
بارك الله فيكم

الحب الجميل said...

السلام عليكم ورحمة الله وبركاته

بعت تعليق من شوى وأختفى بعد التنشر
على العموم مره تانيه
انا من اسكندريه ولومحتاجين اى مساعده او شىء انا تحت الامر

تحياتى لكم على هذا المجهود العظيم
وبارك الله فيكم

حنان الشافعي said...

انا متحكسه جدا جدا انا كمان وعندي استعداد اكلم ناس ونعمل اللي علينا بس حد يقولي واحد اتنين تلاته
ده ميلي للتواصل وارجو حضرتك لما تبعتلي اضافه تذكر انه تبع موضوع بنك الدم لاني مش هقبل اضافه الا كده ومعرفتش اضيفك عالميل الصراحة
http://reyah-elhaneen.blogspot.com/
وده لينك المدونه لو حصل حاجه في الميل

حنان الشافعي said...

بوست صديق
http://reyah-elhaneen.blogspot.com/

الحب الجميل said...

السلام عليكم

الحب الجميل said...

لتالت مره أحاول ابعت ومفيش تعليق بينشر مش عارفه العيب عندى باين

المهم انا من اسكندريه ولو محتاجين اى شىء ومساعده انا تحت الطلب

وجزاك الله خيرا على المجهودات العظيمه

تحياتى

ويكا said...
This comment has been removed by the author.
الحب الجميل said...

أنا كتبت بوست صغير عن الفكره وحطيت شعار البوست عندى فى المدونه وبجد عندى حماس انى اعمل حاجه فى الحمله ان شاء الله

وربنا الموفق

على فكره كان فيه حاجه فى التعليقات مكنتش بتظهر

كلمات من نور said...

الأخوة والأخوات

أنا معاكم في اي شيء تحبوه وبجد سعيدة جدا بالمدونة دي ...وعارفين كمان نفسي في إيه؟ نفسي نعمل مدونة خاصة بالتبرع بالإعضاء بعد الموت .ونفسي الأزهر ووزارة الصحة يجيزوا المشروع داه في نطاق سليم بعيدا عن تجارة الأعضاء علشان نفسي فعلا اتبرع بأعضائي في حالة وفاتي ونفسي يجيزوه بقى قبل وفاتي
محدش عارف امتى وفين حيموت

الحب الجميل said...

- كل ثلاث ثوان هناك شخص يحتاج إلى نقل الدم.

- واحد من كل عشرة مرضى يدخلون المستشفى في حاجة إلى نقل الدم.

- دمك يمكن أن ينقذ أربعة أشخاص عند فصل مكوناته وليس شخصًا واحدًا.

- تعيد عملية التبرع بالدم الحيوية والنشاط للجسم بسبب تجدد خلايا الدم.

- يمكن للمتبرع الحصول على نتائج فحوصات المسح الخاصة به، بما فيها فصيلة الدم.

فاتيما said...

صباح الخير يا محمد

ازيك ؟

المدونة النهاردة فيها تغييرات حلوة
و محمرة اهو
بركاتك يا منونتى يا قمورتى


قولت اشجع التغييرات
و ان شاء الله لو لقيت قالب مناسب
هديكم اللينك بتاعه و منونا تنزله
او تعملك واحد هيا ما شاء الله شطورة قوى
ف القوالب و بساطتها مع تميزها

بس كدا
سلااااام

ولد تحت الصفر said...

ربنا يستر و التعليق بتاعي ينزل على طول ..

الفكرة رائعة و المشاركة فيها شرف يناله أي شخص .. كنت أتمنى أتبرع لكن أنا إنسان زي الأميبا ما عندهوش دم .. و آخر مرة اتبرعت فيها .. ما علينا

أنا جيت هنا أتمنى النجاح للفكرة و لأي خدمة أنا موجود



محمد

ولد تحت الصفر said...
This comment has been removed by the author.
rack-yourminds said...

الاخ العزيز الغالي محمد ,,,بارك الله فيك علي هذاالمجهود الرائع وان شاء الله الفكره تكلل بنجاح كبير


انا بقي عاوز اصارحك بحاجه

انا بخاف جدا من حكااية التبرع انت عارف بقي الاهمال اللي في المستشفيات والاجهزه غير المعقمه اللي ممكن تنقل فيروسات
الاسباب ديه بتخليني اتردد

---------

مره اخري بارك الله في كل من قام علي هذه الفكره وجعلله الله في ميزان حسناتكم

في امان الله

سلسبيل said...

ربنا يوقفقك يا رب
فكرة راااااائعة

تحياتى لك

بنك دم المدونين said...

معذره على التاخير فى الردود على التعليقات لكن البلوجر بيعاكسنى للاسف
----------------
ندى الياسمين
ربنا كريم وادعى لنا ونفسك معانا
اعتقد تواصلتى مع منى وبقى معاكم ارقام بعض انقلى خبراتك بقى يا فندم
---------------
فاتيما
اهلا يا فندم
بابقى مبسوط لما باشوفك هنا او فى ى مكان فياريت ما تغيبيش
ان شاء الله منونه بقى تقوم بدورها الفنى ولو حضرتك عاوزه تساعدى يا اهلا يا اهلا قولى بس وانا فى ثانيه احط لك البلوج بين يديكى
شفتى الديموقراطيه
هنحاول ان شاء الله وملاحظاتك جميله يا فندم
ويارب معانا دايما
-----------
اهلا دكتور ستيته
اكيد مفيش مكان دلوقتى مش بيحلل الدم بس برضه احنا هندور على احسن اماكن وفعلا فى المصل واللقاح لاحظت انهم مثلا بيسألوك انت تعاطيت مخدرات اخر ست شهور وحاجات تانيه زى مثلا اى علاج بالاسنان ولما سألت الدكتور قالت لان ممكن اى عدوى تكون اخدتها وقت علاج اسنانك دا مش بيبان فضمانا بنقول خليك ست شهور وقالت المتبرع لازم يكون صريح لانه جاى يعمل خير مش معقول يضر حد محتاج او طفل مريض
فاعتقد انهم من باب اولى اكيد بيبقى فيه دقه فى تحليل الدم بس دا فى المصل واللقاح هنشوف باقى الاماكن فى المحافظات بيعملوا ايه
النقطه التانيه دى مهمه جدا
لان احيانا فعلا وانت بتشترى بفلوس بيفرضوا عليك كمان تتبرع لهم بكيس دم شايفه الرخامه يا دكتور
بس عموما هنا كيارا بتقول ان شغلها فى بنك دم انا باحاول اتواصل معاها اكيد هتفيدنا ويكون عندها معلومات لاسئله كتير
منورانا دايما يا دكتور
-------------
ويكا
اهلا بيك يا فندم
وشكرا على تفاعلك وربنا يكرمك
كويس انك من اسكندريه
يبقى عندنا اربعه متحمسيين من اسكندريه
واعتقد لازم اسكندريه يبقى فيها تبرع منتظم ولا انتوا شايفيين ايه؟
خلينا نتواصل كده مع بعض كل مدونى اسكندريه ونشوف نقدر نعمل ايه
ربنا يجازيك خير ودايما خليك معانا
--------------
حنان
هاحاول اوصل لك عن طريق المدونه
بس عموما هوا الموضوع نفس اللى قلته ل ويكا
انتوا مجموعه كويسه من اسكندريه ليه متعملوش حاجه؟؟
-------------
الحب جميل
ربنا يجازيكى خير
وشككرا على البوست المفيد دا
ومتفائل خير بالاسكندرانيه
-------------
كلمات من نور
اسكندريه كمان وكمان
ربنا يكرمك
وعاوزيين مساعده بقى فى اسكندريه
------------
ولد تحت الصفر
خلاص بلاش تتبرع
شوف تقدر تساعدنا بايه واحنا معاك
هنحتاج اشرافك مثلا فى مرحله متقدمه
ودلوقتى محتاجينك فى نشر الفكر
وشكرا جدا على مساعدتك
-------------
وحيد
اهلا بيك يا صاحبى والعود احمد يا فندم
مستنى بوست منك انت بالذات عشان احس بفرحه لان عودتك بجد مفرحانى اوى ويارب ما تغيب تانى
بالنسبه للخوف م التبرع
متخافش خالص لان دلوقتى غير زمان
دلوقتى امان جدا كل حاجه قدام عينك وحتى الجوانتى بيتغير قبل ما يلمس ايد كل متبرع
------------
سلسبيل
ربنا يكرمك وجازاك الله خير
ياريت تنشر الفكره وتساعدنا

كيــــــــــــارا said...

انا اهوووووووو ومستعده لاي حاجه اقدمها وقريبا هنزل بوست بس بجمع معلومات مهمة :)

كيــــــــــــارا said...

http://www.facebook.com/topic.php?topic=109&post=205&uid=135478143146322#post205

دا فيه اجابة لسؤال الايدز